Türkıstan oblysynyŋ Maqtaaral audanynda magnit adam tūrady, dep habarlaidy «Adyrna» ūlttyq portaly.
Maqtaaral audanynyŋ tūrǧyny Qilybai İrsaevty jerlesterı magnit adam dep ataidy. Sebebı qariianyŋ denesıne kez kelgen temır jabysyp qalady. Qasyq, şanyşqy, ütık sekıldı zattardy denesıne jaqyndatsa, terıdegı magnit bırden tartyp alady. Odan bölek, 77 jastaǧy aqsaqal 30 metr qaşyqtyqta tūrǧan adamǧa eşqandai jıpsız äser ete alady. Jalpy Qilybai qariiaǧa būl qasiet 1988 jyly darypty. Sol kezde äkesı Monan qaitys bolǧan. Qaraly jaǧdaiǧa qatty qaiǧyrǧan ūl nauqastanyp qalady. Salmaq tastap, reŋı de sūrlanyp ketedı. Qalaǧa baryp, därıgerlerge körıngenımen, nätije şyqpaidy. Täuıpter men äulielerdı aralap, qazaqy emge de jügıngen. Degenmen jaǧdaiy jaqsarudyŋ ornyna kerı kete berıptı. Köpşılıktıŋ keŋes beruı arqyly Orazgeldı esımdı aqsaqaldy tauyp, bata alady. Sodan keiın ǧana, densaulyǧy jaqsara tüsedı. Tıptı denesınde magnit paida bolady. Alǧaşqyda tamaq ışıp otyryp, qasyqty şekeme alyp barsam, jabysyp qaldy. Özım taŋǧaldym. Sodan deneme jabystyryp kördım. Arqama alyp bardym. Jabysyp tūr. Ütıktı alyp kelıp keudeme qoidym. Auyr salmaqtaǧy ütık te «tastai» bolyp jabysyp qaldy. Üidegıler jarty metr jerden qasyqtardy maǧan qarai laqtyryp ta kördı. Jabysyp qaldy, - deidı ol. Keiınnen Qilybai qariia özı de emşılıktı qolǧa alǧan. Baltyry syzdap, basy auyryp kelgen nauqastardy qolyndaǧy tylsym küş arqyly emdep jürdı. Denesındegı magnittık tartylysty adam emdeuge paidalandy. 1991 jyly Mäskeuge baryp, täuıptık qasietın körsetıp, täjıribesın de şyŋdap keldı. Denemdegı magnittı zerttetpedım. Būl maǧan berılgen erekşı tylsym küş bolǧandyqtan, boiymdaǧy būl qasiettı adam emdeuge arnadym. Ǧalymdarǧa, därıgerlerge körsetıp, sebebın bılgım kelmedı, - deidı ol. Jalpy Qilybai İrsaevtyŋ mamandyǧy – aǧylşyn tılı pänınıŋ mūǧalımı. Mektepte sabaq berıp, şäkırt tärbielegen. Basşylyq qyzmetter atqaryp, öŋırdıŋ damuyna üles qosqan. Al zeinetke şyqqan soŋ qoǧamdyq ıstermen ainalysa bastady. Atakent kentınde ardagerler keŋesınıŋ töraǧasy retınde jastar tärbiesı, el bırlıgı jolynda talmai eŋbek etıp keledı. Sondai-aq şyǧarmaşylyqpen de şūǧyldandy. Bügıngı künge deiın jastardy tärbieleuge qatysty 5 kıtap jazyp şyqty. Qazırgı kezde magnit adam jūbaiy Qyzdarkülmen 3 bala, 2 qyz ösırıp, olardan 20 nemere, 10 şöbere süiıp otyr.«Adyrna» ūlttyq portaly
Ūqsas jaŋalyqtar
