Oysdan 92 jyl būryn, 1928 jyly 22 säuırde akter, Qazaqstannyŋ halyq ärtısı Nūrmūhan Jäntörin düniege keldı.
Atyrau oblysynyŋ Mahambet audanynda tuǧan.
Taşkent teatr önerı institutyn bıtırgen. 1952-1967 jyldary jäne 1988 jyldan ömırınıŋ soŋyna deiın Qazaq akademiialyq drama teatrynyŋ sahnasynda öner körsetken. 1967-1988 jyldary «Qazaqfilm» kinostudiiasynda akter bolǧan. Akter köptegen spektaklder men filmderde oinaǧan. Ol teatrda S.Mūqanovtyŋ «Şoqan Uälihanovynda» Şoqan, Ǧ.Müsırepovtıŋ «Qozy Körpeş - Baian sūluynda» Qodar (osy şyǧarmalar boiynşa qoiylǧan filmderde de oinaǧan), M.Äuezovtıŋ «Eŋlık-Kebek» pen «Qaragözınde» Kebek pen Syrym, N.Hikmettıŋ «Eleusız qalǧan esıl erınde» Doktor, M.Kaorudyŋ «Şyǧystaǧy bır beibaǧynda» Sintaro, M.Bulgakovtyŋ «Jendetterınde» Moler, sondai-aq, U.Şekspirdıŋ «Ottelosy» men «Makbetınde» Iаgo jäne Makbet (soŋǧysy Qaraǧandy oblysy qazaq drama teatrynda), A.Puşkinnıŋ «Şaǧyn tragediialarynda» Saleri, Baron jäne Don Juan rolderın somdap, üzdık akterlık şeberlıgın tanytqan.
1948 jyldan kinoǧa tüse bastaǧan. Kinodaǧy alǧaşqy rölı «Alastalǧan Alitet» filmındegı chukcha jıgıtı - Tumatuge. Jantörin 80-ge juyq filmge tüsse, sonyŋ 30-dan astamynda basty rölde oinaǧan. Olardyŋ qatarynda Ş.Uälihanov («Onyŋ uaqyty keldı»), Abylaihanov («Atamannyŋ aqyry»), Qūrmanǧazy («Qūrmanǧazy»), Sapar («Saparqūdyǧy»), Şal («Köleŋkesın quǧan şal»), Beibarys sūltan («Sūltan Beibarys»), t.b. beinelerı bar.
Rejisser retınde Soi Guk İnmen bırlesıp «Orman balladasy», N.Jainaqovpen bırge «Medaldıŋ üşınşı jaǧy», «Qaramarjan» filmderın tüsırgen. Almaty qalasynda Jantörin atyndaǧy köşe bar.
1989 jyly rejisser B.Mansūrov qoiǧan "Sūltan Beibarys" filmındegı Beibarys beinesı — tek Jantörinnıŋ emes, qazaq kinosynyŋ ırı tabysy boldy. Būl obraz akter şeberlıgınıŋ şyrqau şyŋyna ainaldy. Ol osy rölı üşın keŋes kinosy akterlerınıŋ bükılodaqtyq "Sozvezdie — 90" festivalınde "Akter mamandyǧyna qosqan asa zor ülesı üşın" syilyǧyn jeŋıp alyp, arnaiy diplommen marapattaldy. Bükılodaqtyq festival künderı Tver qalasy köşelerınde Nūrmūhan Jantörindı halyq "Sūl-tan Bei-bars!.. Sūl-tan Bei-bars!.." dep qoşemettep, qolpaştap tūryp alǧan. Filmnıŋ dybysyn jazu sätınde ataqty rejisser Sergei Bondarchuk: "Ne degen akter, ne degen keremet tūlǧa! Onyŋ ünın jazudyŋ özı bır ǧanibet qoi!" — dep tamsanǧan eken.
Qazaq ruhaniiaty üşın eselı eŋbek qosqan tūlǧa 1990 jyly 2-şı mamyrda Almaty qalasynda qaitys boldy.
https://youtu.be/NPD5zWhGLG0
Ūqsas jaŋalyqtar
