Astanada Jasóspirimder mýzykalyq teatrynda órt shyǵyp, úsh adam zardap shekti, dep habarlaıdy "Adyrna" ulttyq portaly.
Bul týraly Tótenshe jaǵdaılar mınıstrligi málimdedi.
Mınıstrlik málimetine súıensek, órt Saryarqa aýdanyndaǵy Jaqyp Omarov kóshesinde ornalasqan eki qabatty ǵımarattyń jertólesindegi kıim bólmesinde oryn alǵan. Oqıǵa ornyna shuǵyl jetken órt sóndirýshiler ǵımarat ishinde qalyp qoıǵan úsh adamdy qutqardy.
Órt 20 sharshy metr aýmaqta sóndirildi. Zardap shekken úsh adam janý ónimderimen ýlaný belgileri baıqalǵan soń dárigerlerdiń kómegine júgingen. Qazirgi ýaqytta órttiń shyǵý sebebi anyqtalýda.
