Kópshilikke "Shakentı" laqap atymen tanymal qazaqstandyq akter ári bloger Shárip Serik júrip júrgen qyzyn soqqy jyqqan. Bul týraly Álııa Bóteeva Instagram paraqshasyndaǵy jazbasynda baıandady, dep habarlaıdy “Adyrna” ulttyq portaly.
Ol súıgen adamynyń ózine qol kótergeni jaıly aıtyp otyrý — úsh uıyqtasa túsine kirmegenin aıtty. Onyń aıtýynsha, senim men mahabbattan bastalǵan sezim kúsh kórsetýge deıin ulasyp baryp, aıaqtaldy. Beınejazbada Sháriptiń qyzdy julqylap, lıftiden shyǵaryp jatqany kórsetilgen. Al sýrette Álııa soqqy tıgen júzin kórsetti.
«Men fızıkalyq jaǵynan álsiz bolsam da, moral turǵysynan qabyldaýǵa bolmaıtyn nárseni aıtpaı, úndemeı qoıa salatyndaı álsiz adam emespin. Men ózimdi jáne óz abyroıymdy qorǵaýǵa májbúrmin» dep jazdy Álııa.
Sondaı-aq , Álııa quzyrly organdarǵa aryz jazbaǵany týraly da óz jazbasynda aıta ketti.
