Elbasy N.Á.Nazarbaevtyń «Bolashaqqa baǵdar: Rýhanı jańǵyrý» baǵdarlamasynda : «Men barsha qazaqstandyqtar, ásirese, jas urpaq jańǵyrý jónindegi osynaý usynystardyń mańyzyn tereń túsinedi dep senemin. Jańa jaǵdaıda jańǵyrýǵa degen ishki umtylys – bizdiń damýymyzdyń eń basty qaǵıdasy», - dep atap ótedi.
Elbasynyń baǵdarlamalyq maqalasy – bul, eń áýeli HHI ǵasyrda shynaıy ómirde ulttyq sanany aıqyndaıtyn jáne qoǵamdyq sanany ózgertý joldarynyń jalpy baǵyttaryn belgileıtin dúnıetanymdyq-ıdeologııalyq maqala. Onyń maqsaty kúshti ári jaýapty adamdardyń Birtutas ultyn qurý bolyp tabylady.
Ulttyq jańǵyrý degenimiz – ulttyq sanamen tyǵyz baılanysty. Onyń túpki maqsaty – ulttyq biregeılikti saqtap, el ishinde beıbitshilik pen kelisim úılese otyryp, ulttyq bereke, birlik saltanat qurǵan básekege qabiletti, tabysty el bolý. Sonymen birge, jańǵyrý uǵymynyń ózi meılinshe kónergen, jahandyq álemmen qabyspaıtyn keıbir daǵdylar men ádetterden arylý degendi bildiredi. Sondyqtan rýhanı jańǵyrý úderisin der kezinde qabyldanǵan oń sheshim dep tanımyz. Osy rýhanı jańǵyrýdyń júzege asyrylýyn biz jáne siz bolyp, «Bir jaǵadan bas, bir jeńnen qol shyǵaryp» birlikte oryndaýymyz asa qajet. Básekege qabiletti, álemdik deńgeıde tanylǵan ári damyǵan rýhanı kemel el bolý – Elbasynyń asyl armany. Endeshe, memleket basshysynyń jastarǵa sony serpin, tyń bastama usynýy keleshekke qamdanýdyń áreketi dep túsinemiz.
Al rýhanı jańǵyrýdyń basty sharty – ulttyq kodty saqtaý. Baǵdarlamada keltirilgen árbir qazaqstandyqtyń sanasyn jańǵyrtýdyń baǵyttary: básekege qabilet; pragmatızm; ulttyq biregeılikti saqtaý; bilimniń saltanat qurýy; Qazaqstannyń revolıýııalyq emes, evolıýııalyq damýy; sananyń ashyqtyǵy. Atalǵan baǵyttardy ustanyp, júzege asyrý arqyly álemdik deńgeıde tanylǵan, rýhanı jańǵyrǵan el bola alamyz. Jańa jaǵdaıdaǵy rýhanı jańǵyrý barshamyzdan jahandyq ózgeristerge jáne jańashyldyqtarǵa daıyndyqty jáne umtylysty qajet etedi.
Elbasy «Bolashaqqa baǵdar: Rýhanı jańǵyrý» baǵdarlamasy arqyly memleketimizdiń mindetteri men alǵa qoıǵan maqsattaryn naqty kórsetip berdi. Bizdiń mindetimiz minsiz baǵdarlamada aıtylǵan mindetterdi kezek-kezegimen oryndaý ǵana.
Qorytyndysynda: «Álem kún ótken saıyn ózgerý ústinde. Eger biz sanamyzdaǵy paıdasyz qaǵıdalar men qajetsiz aqparattardan der kezinde arylmasaq, álemdegi alpaýyt memlekettermen teń dárejede ómir súre almaýymyz ábden múmkin. Sol sebepten de bizge, qazaq ultyna ózgerý kerek. Ózgerý úshin ózimizdi qolǵa alyp, zaman aǵymyna ıkemdelý arqyly jeke qabiletterimizdi damytsaq, memleketimizdiń mereıiniń ústem bolatyny anyq»,- degen Elbasy N.Á. Nazarbaevtyń pikiri oryndy bolmaq.
Indıra MAKENOVA,
ál-Farabı atyndaǵy QazUÝ
fılologııa jáne álem tilderi fakýltetiniń stýdenti
Ǵylymı jetekshisi: F.A.QOZYBAQOVA,
ál-Farabı atyndaǵy QazUÝ
tarıh, arheologııa jáne etnologııa fakýlteti
tarıh ǵylymdarynyń kandıdaty, professor
