ەلباسى ن.ءا.نازارباەۆتىڭ «بولاشاققا باعدار: رۋحاني جاڭعىرۋ» باعدارلاماسىندا : «مەن بارشا قازاقستاندىقتار، اسىرەسە، جاس ۇرپاق جاڭعىرۋ جونىندەگى وسىناۋ ۇسىنىستاردىڭ ماڭىزىن تەرەڭ تۇسىنەدى دەپ سەنەمىن. جاڭا جاعدايدا جاڭعىرۋعا دەگەن ىشكى ۇمتىلىس – ءبىزدىڭ دامۋىمىزدىڭ ەڭ باستى قاعيداسى»، - دەپ اتاپ وتەدى.
ەلباسىنىڭ باعدارلامالىق ماقالاسى – بۇل، ەڭ اۋەلى ءححى عاسىردا شىنايى ومىردە ۇلتتىق سانانى ايقىندايتىن جانە قوعامدىق سانانى وزگەرتۋ جولدارىنىڭ جالپى باعىتتارىن بەلگىلەيتىن دۇنيەتانىمدىق-يدەولوگيالىق ماقالا. ونىڭ ماقساتى كۇشتى ءارى جاۋاپتى ادامداردىڭ ءبىرتۇتاس ۇلتىن قۇرۋ بولىپ تابىلادى.
ۇلتتىق جاڭعىرۋ دەگەنىمىز – ۇلتتىق سانامەن تىعىز بايلانىستى. ونىڭ تۇپكى ماقساتى – ۇلتتىق بىرەگەيلىكتى ساقتاپ، ەل ىشىندە بەيبىتشىلىك پەن كەلىسىم ۇيلەسە وتىرىپ، ۇلتتىق بەرەكە، بىرلىك سالتانات قۇرعان باسەكەگە قابىلەتتى، تابىستى ەل بولۋ. سونىمەن بىرگە، جاڭعىرۋ ۇعىمىنىڭ ءوزى مەيلىنشە كونەرگەن، جاھاندىق الەممەن قابىسپايتىن كەيبىر داعدىلار مەن ادەتتەردەن ارىلۋ دەگەندى بىلدىرەدى. سوندىقتان رۋحاني جاڭعىرۋ ۇدەرىسىن دەر كەزىندە قابىلدانعان وڭ شەشىم دەپ تانيمىز. وسى رۋحاني جاڭعىرۋدىڭ جۇزەگە اسىرىلۋىن ءبىز جانە ءسىز بولىپ، «ءبىر جاعادان باس، ءبىر جەڭنەن قول شىعارىپ» بىرلىكتە ورىنداۋىمىز اسا قاجەت. باسەكەگە قابىلەتتى، الەمدىك دەڭگەيدە تانىلعان ءارى دامىعان رۋحاني كەمەل ەل بولۋ – ەلباسىنىڭ اسىل ارمانى. ەندەشە، مەملەكەت باسشىسىنىڭ جاستارعا سونى سەرپىن، تىڭ باستاما ۇسىنۋى كەلەشەككە قامدانۋدىڭ ارەكەتى دەپ تۇسىنەمىز.
ال رۋحاني جاڭعىرۋدىڭ باستى شارتى – ۇلتتىق كودتى ساقتاۋ. باعدارلامادا كەلتىرىلگەن ءاربىر قازاقستاندىقتىڭ ساناسىن جاڭعىرتۋدىڭ باعىتتارى: باسەكەگە قابىلەت; پراگماتيزم; ۇلتتىق بىرەگەيلىكتى ساقتاۋ; ءبىلىمنىڭ سالتانات قۇرۋى; قازاقستاننىڭ رەۆوليۋتسيالىق ەمەس، ەۆوليۋتسيالىق دامۋى; سانانىڭ اشىقتىعى. اتالعان باعىتتاردى ۇستانىپ، جۇزەگە اسىرۋ ارقىلى الەمدىك دەڭگەيدە تانىلعان، رۋحاني جاڭعىرعان ەل بولا الامىز. جاڭا جاعدايداعى رۋحاني جاڭعىرۋ بارشامىزدان جاھاندىق وزگەرىستەرگە جانە جاڭاشىلدىقتارعا دايىندىقتى جانە ۇمتىلىستى قاجەت ەتەدى.
ەلباسى «بولاشاققا باعدار: رۋحاني جاڭعىرۋ» باعدارلاماسى ارقىلى مەملەكەتىمىزدىڭ مىندەتتەرى مەن العا قويعان ماقساتتارىن ناقتى كورسەتىپ بەردى. ءبىزدىڭ مىندەتىمىز ءمىنسىز باعدارلامادا ايتىلعان مىندەتتەردى كەزەك-كەزەگىمەن ورىنداۋ عانا.
قورىتىندىسىندا: «الەم كۇن وتكەن سايىن وزگەرۋ ۇستىندە. ەگەر ءبىز سانامىزداعى پايداسىز قاعيدالار مەن قاجەتسىز اقپاراتتاردان دەر كەزىندە ارىلماساق، الەمدەگى الپاۋىت مەملەكەتتەرمەن تەڭ دارەجەدە ءومىر سۇرە الماۋىمىز ابدەن مۇمكىن. سول سەبەپتەن دە بىزگە، قازاق ۇلتىنا وزگەرۋ كەرەك. وزگەرۋ ءۇشىن ءوزىمىزدى قولعا الىپ، زامان اعىمىنا يكەمدەلۋ ارقىلى جەكە قابىلەتتەرىمىزدى دامىتساق، مەملەكەتىمىزدىڭ مەرەيىنىڭ ۇستەم بولاتىنى انىق»،- دەگەن ەلباسى ن.ءا. نازارباەۆتىڭ پىكىرى ورىندى بولماق.
ينديرا ماكەنوۆا،
ءال-فارابي اتىنداعى قازۇۋ
فيلولوگيا جانە الەم تىلدەرى فاكۋلتەتىنىڭ ستۋدەنتى
عىلىمي جەتەكشىسى: ف.ا.قوزىباقوۆا،
ءال-فارابي اتىنداعى قازۇۋ
تاريح، ارحەولوگيا جانە ەتنولوگيا فاكۋلتەتى
تاريح عىلىمدارىنىڭ كانديداتى، پروفەسسور
