Qalaı sheshen bolamyz?

17.01.2016

3186

El bolyp etek-jeńimizdi jıǵaly beri barymyzsha synyǵymyzdy jalǵap, jyrtyǵymyzdy jamap kelemiz. Biraz jyldyń júzi boldy, dástúrli mádınıet te, aqyndyq óner de keńinen nasıhattala bastady. Sonymen birge sheshendik óner týraly pikirler de jıi aıtylyp júr. Tipti sheshendik óner degen pándi mekteptegi bastaýysh synyptarǵa da bekitip qoıdyq.
Osy sheshendikti biz qalaı túsinip júrmiz? Sheshendik – tapqyr sóıleý óneri deımiz. Sol sebepti de ádemi sóıleýge tyrysyp jatamyz. Meniń oıymsha, «sheshendik» sóziniń túbiri – shesh, sheshý, sheship berý, ıaǵnı adamdar arasynda áldebir sebep-saldardan paıda bolǵan daýdy nemese qıyndyqty sheshý. Al istiń aq-qarasyn ajyratyp, aǵyn aq, qarasyn qara dep aıyryp berý úlken danalyq qajet. Mundaı adamdar qazaqta kóp bolǵan. Tarıhta bolǵan bı-sheshenderdiń nebir kúrdeli daýdy qandaı aqyl, tereń oımen sheshkenine tańǵalamyz. Árıne, mundaı jandar az da bolsa, qazir de bar.
Sheshen bolý úshin eń aldymen sóılep emes, oılap úırený, ıaǵnı, oılardy ajyratyp úırene bilý kerek. Óıtkeni, óz oıyn ajyratyp úırenbegen adam qalaısha dáıekti sóıleı alady?

Facebook - парақшамызға жазылыңыз!