ەل بولىپ ەتەك-جەڭىمىزدى جيعالى بەرى بارىمىزشا سىنىعىمىزدى جالعاپ، جىرتىعىمىزدى جاماپ كەلەمىز. ءبىراز جىلدىڭ ءجۇزى بولدى، ءداستۇرلى مادينيەت تە، اقىندىق ونەر دە كەڭىنەن ناسيحاتتالا باستادى. سونىمەن بىرگە شەشەندىك ونەر تۋرالى پىكىرلەر دە ءجيى ايتىلىپ ءجۇر. ءتىپتى شەشەندىك ونەر دەگەن ءپاندى مەكتەپتەگى باستاۋىش سىنىپتارعا دا بەكىتىپ قويدىق.
وسى شەشەندىكتى ءبىز قالاي ءتۇسىنىپ ءجۇرمىز؟ شەشەندىك – تاپقىر سويلەۋ ونەرى دەيمىز. سول سەبەپتى دە ادەمى سويلەۋگە تىرىسىپ جاتامىز. مەنىڭ ويىمشا، «شەشەندىك» ءسوزىنىڭ ءتۇبىرى – شەش، شەشۋ، شەشىپ بەرۋ، ياعني ادامدار اراسىندا الدەبىر سەبەپ-سالداردان پايدا بولعان داۋدى نەمەسە قيىندىقتى شەشۋ. ال ءىستىڭ اق-قاراسىن اجىراتىپ، اعىن اق، قاراسىن قارا دەپ ايىرىپ بەرۋ ۇلكەن دانالىق قاجەت. مۇنداي ادامدار قازاقتا كوپ بولعان. تاريحتا بولعان بي-شەشەندەردىڭ نەبىر كۇردەلى داۋدى قانداي اقىل، تەرەڭ ويمەن شەشكەنىنە تاڭعالامىز. ارينە، مۇنداي جاندار از دا بولسا، قازىر دە بار.
شەشەن بولۋ ءۇشىن ەڭ الدىمەن سويلەپ ەمەس، ويلاپ ۇيرەنۋ، ياعني، ويلاردى اجىراتىپ ۇيرەنە ءبىلۋ كەرەك. ويتكەنى، ءوز ويىن اجىراتىپ ۇيرەنبەگەن ادام قالايشا دايەكتى سويلەي الادى؟
قالاي شەشەن بولامىز؟
17.01.2016
3187
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз