Neshe túrli qonaq bolady?

2860
Adyrna.kz Telegram

Esentemir Bólendi Asaý sheshen qonaqqa shaqyryp otyryp:

– E, Bóle! Sizden bir-eki aýyz sóz suraıyn, ruqsat pa? – depti.
– E-e, shyraǵym, sura! – depti Bólen.

– Qudaıdyń bergeni, úıden qonaq ketpeıdi. Biri ketse, biri keledi. Bireýleri bir kelmeıdi, birneshe keledi. Osylardy kelinińiz kórip: «Mynaý taǵy kele jatyr ma?» – deıdi. Bul netkeni? – depti Asaý.
– Ol – kelinniń yrysy ketkeni, – deıdi Bólen.
– Aýyldyń jas balalary kári qonaqty jaqtyrmaıdy, sony kútý­den erinedi. «Osy shaldarǵa ne joq, qydyrdy, jedi, birsypyra qyzyqty kórdi, endi úılerinde jatsa qaıtedi?» – deıdi. Bul netkeni?
– Ol – balalardan erik ketkeni.
– Bóle! «Qonaq – qońsy» deıdi qazaq. Qonaq degen kim, qońsy degen kim?
– Qonaq degen – myna men, jylyna bir ret shaqyrýmen kelemin. Qoń­sy degen – mynalar, – dep aınaladaǵy kisilerdi kórsetedi. Pálenniń úıine pálen kelipti, baryp amandasaıyq dep keledi.
– Al Bóle! Qonaq neshe túrli bolady?
– Qonaq tórt túrli bolady:
Arnaıy qonaq,
Qudaıy qonaq,
Qydyrma qonaq,
Qylǵyma qonaq.
Endi Bólen Asaýdan:
– Jigittiń neshe jurty bar? – dep suraıdy.
– Jigittiń úsh jurty bar dep oılaımyn, — deıdi Asaý:
Qaıyn jurty – minshil,
Óz jurty – kúnshil,
Naǵashy jurty – synshyl.
Sońda Bólen:
– Jigittiń tórt jurty bolatyn edi, bireýin tastap kettińiz.
Ol – eliniń azamaty. Bárinen de artyq sol edi-aý! – depti.

 

Pikirler