Shubat antıbakterııalyq jáne antıvırýstyq qasıetke ıe

4026
Adyrna.kz Telegram

Kúnde jeıtin as-aýqatymyz hımııalyq, sıntetıkalyq jasandy dúnıelerden jasalǵaly beri adamzat densaýlyǵyna zor qaýip tóndi. Allergııa, psorıaz, qant dıabeti, holleıstıt, gastrıt t.b. kóptegen dertter ýshyǵyp shyǵa keldi. Dert ataýlynyń órshý sebepteriniń biri azyq túligimizdiń lastanýynda bolyp otyr. Qazaq atamyz: «Asy saýdyń – deni saý» dep beker aıtpaǵan. Sondyqtan da qazaqtyń densaýlyǵy myqty bolsyn desek, dúnıege aıaq qoly balǵadaı saý urpaq ákelemiz desek, asymyzdy adal qylyp isheıik. Osy máseleni taǵamdyq raıonymyzǵa qazaqtyń ulttyq taǵamdaryn engizý arqyly sheshýge bolady. Búgin ári sýsyn, ári qorek, ári shıpa bolyp tabylatyn shubatty áńgimemizge arqaý etpekpiz. Qazaq úshin túıe — qasıetti mal. Tórt túliktiń tóresi atanǵan janýardyń súti – em, eti — azyq, júni — kıim. Nardyń júnin qazaq halqy aıaqqa taptamaǵan, tek keýdesheler men jıdeler, shekpender men kórpeler daıyndaǵan. Qazirgi medıına túıe júniniń de emdik qasıeti baryn anyqtady.

Túıe súti — qorektik zattarǵa óte baı sýsyn. Máselen, qymyzdyń qunarlylyǵy 528 kkal bolsa, sıyrdiki — 660 kkal, al túıeniki — 911 kkalǵa teń. Bir lıtr shubat adam aǵzasynyń vıtamınder men mıkroelementterge degen táýliktik qajettiligin tolyqtaı qamtamasyz ete alady. Shubat ishken adam kúni boıy toq júredi. Ulttyq ǵylym akademııasynyń akademıgi T.Sharmanovtyń aıtýynsha, túıe sútiniń sozylmaly ókpe, baýyr aýrýlaryn, holeıstıtti, ót joldarynyń qa­bynýyn emdeýdegi qasıeti klınıkalyq aprobaııa arqyly dáleldengen. Sondaı-aq ınfarkttyń, ın­sýlttiń aldyn-alýda mańyzy zor, qant dıabetine, qaterli isikke de shıpasy bar.

Tabıǵı shubat ónimderi adamnyń este saqtaý qabiletin joǵarlatyp, mı tamyrlaryna sergektik pen demalys beredi. Quramynda A, V1, D, E, S dárýmenderi bar sýsyn uzaq ýaqyt emdelýdi qajet etetin týberkýlez aýrýyna da birden bir shıpa.

Ulttyq sýsynnyń daıyndalý proesi de kúrdeli emes. Óıtkeni ony bir qorlandyryp alsa, odan ári eshqandaı ashytqysyz ashı beredi. Qymyz sekildi mezgil- mezgil pisip otyrýdyń da qajeti joq. Tek kisige quıyp bererde ǵana shaıqap-shaıqap jiberse, ol jaqsy aralasyp, kópirshigi azaıady. Shubat quıylǵan ydystyń tyǵynyn alyp nemese mestiń pushpaǵyn sheship, gazyn shyǵaryp otyrý kerek. Áıtpese tyǵyndy ushyryp, mesti isindirip jiberedi.

Oısylqara túlegi sútiniń quramynda laktoferrın degen zat bar. Adam aǵzasynda da laktoferrın degen belok bar. Ol aǵzanyń ımmýndyq júıesin nyǵaıtady. Beloktyń basty bıologııalyq qyzmeti temir ıondaryn baılaıdy jáne ony tasymaldaıdy. Aǵzaǵa qandaı da bir bakterııa men vırýs kelip tússe, laktoferrın birden onyń kózin joıýǵa áreket etedi. Laktoferrın súttiń quramynda bolatyndyqtyn jańa týǵan sábıdi ana sútimen qorektendirýdiń qandaı mańyzdy ekenin bile berińiz. Medıınada laktoferrın belogynyń vırýstarǵa qarsy belsendiligi joǵary ekendigi anyqtalǵan. Onyń gerpes 1, ıtomegalovırýs, VICh, gepatıttiń S-túri, hantavırýs, rotavırýs, polıovırýstyń birinshi túri, adenovırýs, respıratorlyq sınıtıaldi vırýs, tyshqannyń leıkoz Frend vırýsy tárizdi dertterge qarsy áseri kúshti. Vırýstardy bakterııalardan bóle-jara aıtyp otyrǵan sebebimiz, HHI ǵasyrdyń medıınasy vırýstyq aýrýlardy emdeýde dármensiz. Álemde vırýstyń kózin joıatyn birde ber preparat áli dúnıege kelgen joq. Qazirgi dári-dármekter tek vırýstyń saldaryn ǵana emdeıdi. Al shubat sol vırýspen kúrese alady eken.

Aýada baterııalar men vırýstar tolyp júr. Bizdiń aǵzamyz olarmen sekýnd saıyn kúresip baǵýda. Kedeıdiń aýrýy sanalatyn týberkýlezben qazir aýqattylar da naýqastanyp jatqan tusta, aǵzamyzdyń aýrýǵa qarsy ımmýndyq júıesin nyǵaıtý árqaısymyz úshin qajet-aq. Endeshe, densaýlyǵymyzdy nyǵaıtýdy oılasaq, shubat ishýdi ádetke aınaldyraıyq.

Shubatty negizinen 14 kúnge deıin saqtaýǵa bolady. Al, ony uzaq saqtaý úshin Shymkenttik ǵalymdar Akademık Asylbek Baımuhanovtyń basqarýymen aýyl sharýashylyǵy ǵylymdarynyń doktory Dastanbek Baımuhanov, ǵylym kandıdaty Músátillá Toqanov jáne Bolat Toqanov tabletka túrindegi shubatty shyǵarýdyń tehnologııasyn oılap tapty. Shubattyń qurǵaq untaǵy úsh jylǵa deıin jaramdy. Onyń 1 tabletkasynda 1,24 gramm shubat bar. Mundaı ónim aǵzanyń jumys qabiletin arttyryp, erlerdiń áleýetin kóteredi, áıelderdiń klımaksy kezinde kómegi zor. Al, balalardyń belsendi is-qımylyn arttyryp, densaýlyǵyn birshama nyǵaıta alady. Shubattyń bir tabletkasybul tabıǵı “bıologııalyq belsendi qospa“ sekildi emdik qasıetke ıe. Sondaı-aq, Músátillá Toqanov ol tabletkany maskúnemdikti emdeýge de qoldanýǵa bolatynyn aıtady. Shubat tabletkasyn “Hımfarm-Santo“ kásiporny shyǵaryp jatyr. Shıpaly shubat óndirisine Japonııanyń, Eýroodaqtyń, AQSh jáne Avstralııanyń taýar óndirýshileri qazirden bastap qyzyǵýshylyq tanytyp jatyr. Eger myqtap aınalyssa, qazaqtyń emdik qasıeti mol sýsyny memlekettik brendige aınalatyn ónim bolýy da ǵajap emes.


Sandýǵash Serikqalı

Pikirler