Bügın - ūlt ūstazy Ahmet Baitūrsynūly atu jazasyna kesılgen kün.
KSRO Halyq komissarlar keŋesı janyndaǧy Bırıkken memlekettık saiasi basqarma (OGPU) alqasy «üştıgınıŋ» 1930jyly 4 säuırdegı şeşımıne säikes Ahmet Baitūrsynūly bastaǧan qyryqqa juyq adam ärtürlı merzımderge qamaluǧa, jer audaryluǧa kesıldı.
Būl şeşım keiın bırneşe ret özgerısterge ūşyrady: 1931 jyly qaŋtarda Ahmet Baitūrsynūly 10 jylǧa konslagerge auystyrylsa, 1932 jyly qaraşada 3 jylǧa Arhangelskıge jer audarylsyn dep ūiǧaryldy. Ūlt ūstazyna orys ziialylarynyŋ özı araşa tüsedı.
Atalǧan ükımmen Maǧjan Jūmabaev, Eldes Omarov, İbragim Sätbaev, Äbuäli Ädılov, Asqar Ädılov, Abdolla Ūzaqbekov alǧaşynda 10 jyldyq merzımge konslagerge kesılıp, būl ükım keiın Soltüstık ölkege jer audarumen almastyryldy. Al Kärım Jälenov, Darhan Kenjebaev, Töreqūl Mūratov, Aqbar Ybyraev, Nūrlan Kärıbaev, Alǧabek Baidullaev bes jyl merzımge konslagerge jıberıldı.
Osylaişa Baitūrsynūly aidau men quǧynnyŋ arasynda adam tözgısız jaǧdaida ömır sürse de, 1937 jylǧa deiın qazaq müddesıne qyzmet etuge mümkındık aldy.
5 ret sottalyp, 2 ret jer audarylǧan Ahmet Baitūrsynūly 1937 jyly 8 qazanda soŋǧy ret tūtqyndalyp, 8 jeltoqsanda atu jazasyna kesıldı. Oǧan «halyq jauy» degen aiyp taǧylǧan bolatyn. Qoǧam qairatkerınıŋ jaqtastaryn, tuǧan-tuystaryn qudalau 1988 jylǧa deiın jalǧasty.
1988 jyldan keiın Qazaqstandaǧy köptegen köşe, mektepterge Baitūrsynūlynyŋ esımı berıldı. Bügıngı taŋda Tıl bılımı instituty, Qostanai öŋırlık universitetı ūly tūlǧanyŋ esımımen atalady.
