Májilis depýtaty Janarbek Áshimjanov QR Premer-Mınıstriniń orynbasary E.B. Kósherbaevqa joldaǵan depýtattyq saýalynda ulttyq qundylyqtardy mansuqtap, otbasy ınstıtýtyn álsiretýdi kózdeıtin aǵymdar men uıymdardyń áreketine alańdaýshylyq bildirdi.
Depýtattyń aıtýynsha, qazirgi tańda áleýmettik jelilerde, ásirese TikTok jáne basqa da platformalarda jastar arasynda ulttyq dástúrlerge jat mazmun keńinen nasıhattalýda. Mundaı úgit-nasıhattyń artynda halyqaralyq uıymdar turǵanyn jáne olardyń elimizdiń ishki saıasatyna yqpal etýge tyrysatynyn atap ótti.
Áshimjanov shetelden qarjylandyrylatyn úkimettik emes uıymdardyń keıbiri jastardy azǵyndyqqa ıtermeleýge baǵyttalǵanyn aıtyp, "Femınıta" uıymynyń mektep oqýshylaryna jynystyq qatynasqa baılanysty shaqyrtýlar taratqanyn mysalǵa keltirdi. Onyń aıtýynsha, bul áreketter BUU-nyń Balalar quqyǵy jónindegi konvenııasyna da qaıshy keledi.
Depýtat Qasym-Jomart Toqaevtyń Býrabaıda ótken Ulttyq Quryltaıdaǵy sózin eske salyp, onda Memleket basshysy "demokratııalyq moraldyq qundylyqtar" jeleýimen kóptegen elderge LGBT-ny tańý úrdisi júrip jatqanyn ashyq aıtqanyn atap ótti. Prezıdent sondaı-aq, AQSh-tyń burynǵy prezıdenti Donald Tramp bastaǵan dástúrli moraldyq qundylyqtardy qalpyna keltirý jónindegi bastamalardy qoldaýǵa laıyq dep baǵalaǵanyn da tilge tıek etti.
Depýtat ulttyq qundylyqtardy qorǵaý maqsatynda Úkimetke kelesi sharalardy qolǵa alýdy usyndy:
- Áleýmettik jelilerdi qatań súzgiden ótkizý, ásirese, kámeletke tolmaǵandarǵa zııandy aqparat taratýǵa tyıym salý.
- Mádenıet jáne aqparat mınıstrliginiń LGBT qozǵalysynyń jasóspirimderge áseri týraly zertteýin aıaqtap, qoǵamǵa jarııalaý.
- Dástúrli moraldyq qundylyqtardy nyǵaıtý jóninde arnaıy tujyrymdama ázirleý.
- Shetelden qarjylandyrylatyn úkimettik emes uıymdardy tekserip, olardyń jasóspirimdermen jumys isteýine tosqaýyl qoıý.
Áshimjanovtyń aıtýynsha, ótken jyly LGBT-ny nasıhattaýǵa qarsy bastamashyl top jarııalaǵan petıııaǵa eki aptanyń ishinde 50 myńnan astam adam qol qoıǵan. Bul – qoǵamnyń ulttyq qundylyqtardy qorǵaýǵa degen zor yntasynyń kórinisi.
"Urpaǵymyzdy azdyratyn, dástúrimizdi tozdyratyn, alaýyzdyqty qozdyratyn, rýhymyzdy syndyratyn "demokratııalyq úrdisterdiń" atasyna nálet! Búginde kóptegen memleketter ulttyq bolmystaryn qorǵaý úshin shekteý sharalaryn qabyldaýda. Al biz óz bolashaǵymyzdy qorǵaý úshin naqty sheshimder qabyldaýymyz qajet," – dedi Janarbek Áshimjanov.
