Almaty oblysy, Kegen aýdanyna qarasty Saty aýylynda zırattardy qıratqan kúdikti óz áreketine qatysty pikir bildirdi, dep habarlaıdy”Adyrna” ulttyq portaly.
Áleýmettik jelilerde taraǵan vıdeoda ol 2003 jyly dúnıege kelgenin aıtyp, istegen isin dinı nanym-senimmen baılanystyrady.
Ol dindegi eń aýyr kúnániń biri – Allaǵa serik qosý ekenin aıtyp, paıǵambarlar isinen mysal keltirýge tyrysqan. Kúdikti óz áreketin de paıǵambarlarǵa elikteýmen túsindiredi.
Jaǵdaıǵa qatysty jýrnalıst Dıas Nuraqyn Facebook paraqshasynda pikir bildirdi.
“Ótkende Saty aýylyndaǵy qulyptastardy qıratqan osy jigit eken. Sóz saptaýynan-aq soqyr senimge, teris ýaǵyzǵa toıyp alǵany baıqalady. Qabirdi qorladym, ólilerdiń árýaǵyn mazaladym dep qaımyǵyp turǵan joq. Kerisinshe óz isiniń durystyǵyna masattanyp otyr. Múlde oqymaǵan adamǵa qaraǵanda bir ǵana kitap oqyǵan adam qaýipti dep qalaı taýyp aıtqan ıá dana qazaq?!” - dep jazdy ol.
Eske sala ketsek, buǵan deıin Saty aýylynda birqatar zırattardyń buzylǵany, qulpytastardyń qıraǵany týraly habar taraǵan bolatyn. Kúdiktiniń buǵan deıin áldebir oǵash qylyqtarymen tanylǵany nemese áldebir esepte turatyny týraly habarlanbady.
