Abaı oblysynyń Besqaraǵaı aýdanynda shyqqan dala órti “Semeı ormany” memlekettik orman tabıǵı rezervatyna tarady, dep habarlaıdy “Adyrna” ulttyq portaly.
Tótenshe jaǵdaılar mınıstrliginiń málimetinshe, Ernazar aýyldyq okrýginiń Qoıanbaı aýylynda qurǵaq shóp tutanyp, qatty jeldiń áserinen jalyn jyldam tarap ketken. Jel ekpini sekýndyna 26 metrge deıin jetken.
“Dala órti ishinara ‘Semeı ormany’ MOTR Morozov fılıalynyń orman alqabyna ótti”, – delingen mınıstrliktiń resmı habarlamasynda.
Oqıǵa ornyna arnaıy jedel shtab qurylyp, ony tótenshe jaǵdaılar vıe-mınıstri Batyrbek Ábdishev basqaryp otyr.
Órtti sóndirýge Abaı jáne Pavlodar oblystarynyń TJD qyzmetkerleri, “Semeı ormany” men “Ertis ormany” orman sharýashylyqtarynyń mamandary jáne jergilikti atqarýshy organdardyń ókilderi tartylǵan. Jalpy 240 adam men 96 tehnıka jumyldyrylǵan. Sonymen qatar, áýeden barlaý jumystary júrgizilýde.
Aıta keteıik, buǵan deıin Pavlodar oblysynyń Baıanaýyl aýdanyndaǵy Jasybaı orman sharýashylyǵynda da órt shyqqany habarlanǵan bolatyn.
