Elimizdiń jastary qanshalyqty patrıot bolyp ósip jatyr? Sondaı-aq azamattardyń otan súıgish bolyp tárbıelenýi birlik pen turaqtylyq qundylyqtarynyń damýyna qalaı áser etedi? Osy jáne ózge de suraqtardy jeke kásipker ári azamattarǵa qazaq tilin úıretetin Iýlııa Lagýtkınaǵa qoıdyq.
Soltústik Qazaqstan oblysy Aıyrtaý aýdanyna qarasty Lavrovka aýylynyń týmasy Iýlııa Lagýtkınany otanshyl azamat dep aıtýǵa bolady. 26 jastaǵy azamat memlekettik tildi meńgerip qana qoımaı, qazaq tilin ózge azamattarǵa úıretip júr.
«Jalpy patrıotızm, birlik pen turaqtylyq ol kez kelgen memleket úshin jáne de Qazaqstan azamattary úshin óte mańyzdy ári qasıetti maǵynaǵa ıe qundylyq bolýy kerek. Patrıotızm men birlik óz elińe degen súıispenshilik, onyń mádenıeti men tarıhyn qurmetteý sekildi ár azamattyń boıynan tabylýy tıis qundy qasıetter bolýy kerek. Al bereke-birlik qoǵamnyń yntymaqtastyqta jumys istep, memleket ıgiligi úshin qyzmet etýge úndeýi tıis.
Sonymen qatar memlekettik rámizderge uqypty qarap, oǵan qurmet kórsetý de dál sondaı azamattarlyń qasıetti boryshy bolýy kerek. Máselen ánurannan bastap eltańba jáne memlekettik týymyzǵa aıryqsha qurmet kórsetiledi. Mysaly ártúrli halyqaralyq jarystarda ánuran orta joldan úzilse nemese basqa ánuran qoıylǵan kezde bizdiń sportshylar ánurandy ózi aıtyp shyqqan birneshe oqıǵa boldy. Bul jastardyń memlekettik rásizge erekshe qurmet kórsetetinin bildirse kerek», – deıdi ol.
«Qazaq tilin bilýińiz qoǵamda sizge qandaı oń yqpalyn tıgizdi? Azamattardyń memlekettik tildi bilýi qanshalyqty mańyzdy?» dep Iýlııa Lagýtkınaǵa suraq qoıdyq. Jeke kásipker búgingi tańda memlekettik tildi bilý ár azamat úshin úlken mańyzǵa ıe ekenin eskertti.
«Qazaq tilin bilý eń aldymen elimizdiń mádenıeti men tarıhyn jáne rýhanı qundylyqtaryn qurmetteýdiń belgisi bolyp sanalady. Qazaq tilin úırený qoǵamda ózińdi tolyqqandy azamat retinde sezininip, kásibı túrde damýǵa kómektesedi. Sonymen qatar qazaq tilin bilý ulttyq birlikti nyǵaıtýdyń birden bir faktory bolyp otyr. Memdekettik tildi meńgerý arqyly ár túrli halyqtar ıaǵnı, etnostar arasynda jarasymdy túsinistik qalyptasyp, qoǵamdaǵy kelisim men turaqtylyq saqtalady. Kóp tildi bilý mańyzdy bolǵanymen memlekettik tildi meńgerý ár azamattyń patrıottyq boryshy, mindeti dep bilemin jáne ol eldiń bolashaǵyna oń ypal etip, ulttyq biregeılikti saqtap, óskeleń jastarǵa memlekettik tildi amanattap qaldyrýǵa tikeleı áser etedi.
Eger biz búgin ár qaısysmyz qazaq tilinde sóılesek, qazaq tilin bir birimizge nasıhattap, memlekettik tildiń deńgeıin kótersek onda qazaq tiliniń bolashaǵy zor bolady dep esepteımin. Búgingi kip-keshkentaı bildirshinder keıin óskennen keıin qazaqsha sýdaı sóıleıtin bolady. Kez kelgen memlekettiń tili tiri bolsa, onda onyń halqy da tiri bolyp, ósip órkendeıtin bolady. Qazaq tilin bilý qarym-qatynas quraly ǵana emes, sonymen qatar ol elge degen súıispenshilik pen qurmettiń aıqyn kórinisi der edim. Sol sebepti qazaq tilin bilsek, bul elimiz ben halqymyz úshin kóp paıdasyn tıgizedi.
Budan bólek halyqaralyq arenada qazaq tilinde sóıleıtin qazaq halqy dep bizdi basqa memleketter tanyp, qurmetteıtin bolady. Eshkim KSRO-nyń orys tilinde sóıleıtin azamaty dep aıtpaıdy. Iaǵnı bárimizdi Qazaqstanda qazaq tilinde sóıleıtin azamattar turady dep biledi.
Uzyn sózdiń qysqasy búgingi tańda qazaq tilin bilý óte mańyzdy. Mysaly men qazaq tilinen qazaq pen orystarǵa, tipti Ýkraınadan kelgen azamattarǵa sabaq beremin. Meni Ýkraına sekildi shetelden kelgen azamattardyń qazaq tilin úırensem degen qulshynysy qýantady. Sońǵy kezderi aǵylshyn tiline emes, kerisinshe qazaq tiline suranys kóbeıip jatyr. Bul negizi jaqsy tendenııa dep oılaımyn», – deıdi ol.
