Búgin Úkimettiń keńeıtilgen otyrysynda Toqaev Smaıylovqa "Jańa jylǵa Úkimettiń osy quramymen aıaq basýǵa bola ma?" dep suraq qoıyp, Premer-mınıstrden shynaıy jaýap alǵysy keletinin aıtty. Bul týraly Aqordanyń baspasóz qyzmeti habarlady, dep jazady "Adyrna" ulttyq portaly.
«Úkimettiń negizgi mindeti – elimizdegi ekonomıkalyq máselelerdi sheshýmen aınalysý. Bul – Úkimet músheleriniń, ákimderdiń, ulttyq kompanııa basshylarynyń tikeleı jaýapkershiligi. Sondyqtan men Premer-Mınıstr Álıhan Ashanuly Smaıylovtan shynaıy jaýap alǵym keledi. Jalpy, Jańa jylǵa Úkimettiń osy quramymen aıaq basýǵa bola ma? Prezıdenttiń saılaýaldy baǵdarlamasyn júzege asyrý Úkimettiń qolynan kele me? Úkimet ishten jáne syrttan bolatyn barlyq ekonomıkalyq qaýip-qaterlerge qarsy tura ala ma? Menińshe, bul máseleler Memleket basshysynyń Premer-Mınıstrmen jáne Parlament depýtattarymen ótkizetin konsýltaııalary kezinde muqııat talqylanýy kerek. Aldymyzda turǵan mindetter – óte kúrdeli. Bul mindetter búkil el azamattaryna qatysty. Sondyqtan biz parasatty túrde, birligimizdi saqtap, bárimiz birge eńbek etýimiz kerek.
Kelesi jyldyń birinshi jartysynda elimizde Parlament saılaýy ótedi. Men usynǵan saıası reformalar baǵdarlamasyna sáıkes zań shyǵarý bıligi jáne jergilikti ókildi organdar sapalyq turǵydan mańyzdy ózgeriske ushyraıdy. Úkimet te osy reforma úderisinen tys qalmaýǵa tıis. Bul jumys bir ýaqytta, bir qarqynmen júrgizilýi kerek. Sol sebepti, men barsha Úkimet músheleri osy másele jóninde oılanýy kerek dep sanaımyn. Halqymyzdyń ıgiligi úshin jasap jatqan jumystaryńyz tabysty bolsyn», - dedi Toqaev.
"Adyrna" ulttyq portaly
