Qazaqstan Prezidentı Qasym-Jomart Toqaevtyŋ memlekettık tılge qatysty ūstanymy sol qalpy. Qazaq tılın elımızdegı etnosaralyq qatynas tılıne ainaldyruǧa qatysty baǧytynan ainymai, öz arnasymen tūraqty türde jalǧasa beredı. Būl turaly Memlekettık keŋesşı Erlan Qarin aitty, dep habarlaidy “Adyrna” ūlttyq portaly.
“Keşeden berı äleumettık jelılerde memlekettık tıldıŋ märtebesıne qatysty ärtürlı pıkır aitylyp, qyzu talqynyŋ taqyrybyna ainalǧanyn körıp otyrmyz. Oi bölısken, közqarasty aşyq bıldırgen dūrys. Bıraq «bilık qazaq tılıne qiianat jasady» deu – bos äŋgıme, dauryqpa söz. Attanǧa salyp, aiǧaiǧa basyp, joq jerden şu şyǧaratyndai eşteŋe bolǧan joq. Memlekettıŋ tılge qatysty ūstanymy sol qalpy. Qazaq tılın elımızdegı etnosaralyq qatynas tılıne ainaldyruǧa qatysty baǧytynan ainymai, öz arnasymen tūraqty türde jalǧasa beredı. Assambleia sessiiasynda Prezident osyny taǧy da anyq aitty”, dedı Erlan Qarin.
Sondai-aq, ol qazaq tılınıŋ bolaşaǧyna qatysty pessimistık oidan arylatyn uaqyt jetkenın aitty.
“Men mūny būryn da aitqanmyn, taǧy da qaitalaǧym keledı. Kerısınşe, qazaq tılınıŋ qoǧamdaǧy rölı jyl ötken saiyn artyp keledı. Eŋ bastysy, qazaq tılı – jastardyŋ tılıne ainaldy. Jas ǧalymdar, önerpazdar, käsıpkerler ana tılımızdı keŋınen qoldanyp, öz baǧyttarynda barynşa damytyp jatyr. Demek «qazaq tılınıŋ bolaşaǧy joq» dep aitu eşqandai qisynǧa kelmeidı.
Bıraq būl jerde bır närsenı tüsınuımız kerek: memlekettık tıldıŋ märtebesı «ūr da jyq» ädıspen öspeidı. Qazaq tılın qalqan etıp populistık äreketpen ainalysuǧa bolmaidy. Naǧyz tılge janaşyr adam būlai jasamaidy. Jäne qazırgıdei almaǧaiyp zamanda mūndai äreketter eldegı jaǧdaiǧa ziianyn tigızuı mümkın. Memlekettık tıldıŋ märtebesın arttyru naqty josparmen, jüielı jūmyspen atqarylady. Sondyqtan tuǧan tılımızdıŋ tamyryn tereŋdetu ısın aldaǧy uaqytta da aqyl-parasatpen atqaruǧa tiıspız”, dedı Memlekettık keŋesşı.
Söz soŋynda Erlan Qarin elıdetek qazaq tılıne qatysty ǧana emes, jalpy ūlttyq bıregeilıktı, ūlttyq bolmysymyzdy därıpteitın auqymdy bastamalar qolǧa alynyp, jüzege asyrylyp jatqanyna toqtaldy.
“Ūlttyq merekemız Nauryz jaŋaşa sipat alyp, özgeşe atalyp jatyr. «Ūlttyq kiım künın» qoǧam öte jyly qabyldady. Biyl alǧaş ret ötken «Ūlttyq kıtap künı» de halqymyzǧa paidaly bastamanyŋ bırı bolmaq. Osylai bärı bırte-bırte retke keledı”, dedı ol.
