Qazaqstannyń atyn álemge pash etip, ekonomıkasyn myǵym ustap turǵan úsh ýran kásipornynyń iri úlesteri Reseıge ótti. Anyǵyraq aıtqanda, reseılik "Ýranıı Ýan Grýp" memlekettik kompanııasyna ýran kásiporynynyń iri úlesterin berýge ruqsat berildi, dep habarlaıdy "Adyrna" ulttyq kompanııasy "QazTAG"-qa silteme kórsete otyryp.
Úkimetiniń qaýlysyna sáıkes, Uranium One Netherlands B. V "Qarataý" JShS-ne qatysý úlesiniń 50%-y berilgeni belgili boldy. Uranium One Utrecht B. V - "Horasan-U "Birlesken kásiporny" JShS-na qatysý úlesiniń 30%-yn ustatty, Uranium en Rotterdam B. V. - "Ońtústik taý-ken hımııalyq kompanııasy" birlesken kásipornyna qatysý úlesiniń 70%-yn berdi.
Iri úlestiń barlyǵy Máskeý qalasynda tirkelgen "Ýranıı Ýan Grýp" AQ paıdasy úshin ıelikten shyǵarylyp otyr. Bul kompanııa Reseıdiń "Rosatom" memlekettik korporaııasynyń quramyna kiredi.
Ekonomıst Ǵalymjan Aıtqazınniń aıtýynsha, ýran kásiporyndarynyń basshylyǵy sheteldikterden Reseıdiń qolyna ótken.
- Munyń astarynda Reseıge qarsy salynǵan sankııalardyń qaýpinen seskený bar. Sonyń saldarynan Reseı kompanııalary sheteldik ıýrısdıkııalardan ketýge májbúr", - dedi ol.
Al Reseı Federaııasynyń Syrtqy ister mınıstrligi Atom elektr stanııasyn salý boıynsha qazaq tarapymen yntymaqtastyqqa daıyn ekenderin málimdedi. Olar qazirgi ýaqytta jobanyń parametrleri, onyń qarjylyq modeli boıynsha kelissóz júrgizilgenin habarlady.
"Adyrna" ulttyq portaly
