Qazaqstanda salynatyn atom elektr stansiiasynyŋ (AES) qauıpsızdıgıne tek ūlttyq organdar ǧana emes, sonymen qatar halyqaralyq sarapşylar da baqylau jürgızedı, dep habarlaidy "Adyrna".
Agenttık töraǧasy Almasadam Sätqalievtıŋ aituynşa, Qazaqstan iadrolyq qauıpsızdıkke qatysty halyqaralyq konvensiialardaǧy mındettemelerın oryndaidy. Osy maqsatta elge MAGATE mamandary şaqyrylady.
«Ūiym Qazaqstanda şolu missiialaryn ötkızuge, tehnikalyq kömek beruge jäne tötenşe jaǧdailarǧa den qoiu jüiesın taldau üşın EPREV missiiasyn jıberuge daiyn», – dep habarlady vedomstvonyŋ baspasöz qyzmetı.
Sätqaliev atap ötkendei, AES-tıŋ jūmysqa qosyluy kezeŋ-kezeŋımen jüzege asady. Ärbır qadam – otyn jükteuden bastap tolyq quatqa şyǧuǧa deiın – tek synaq nätijelerı oŋ bolǧan jaǧdaida jäne qadaǧalauşy organnyŋ rūqsatymen ǧana jürgızıledı.
Şeneunıktıŋ sözınşe, Qazaqstan üşın basty basymdyqtar özgerıssız qalady:
- halyqtyŋ qauıpsızdıgı,
- qorşaǧan ortany qorǧau,
- halyqaralyq standarttardy saqtau.
