Qazaqstannyń aýyldyq jerlerindegi balalar men jasóspirimderdi sportqa baýlý jáne buqaralyq sportty damytý baǵytynda jańa qadam jasaldy. Tımýr jáne Dınara Qulybaevtar negizin qalaǵan Halyk qaıyrymdylyq qory men “Qazaqstannyń karate federaııasynyń odaǵy” ZTB arasynda yntymaqtastyq týraly memorandýmǵa qol qoıyldy.
Bul kelisim aýyldyq aımaqtardaǵy sport ınfraqurylymyn jaqsartýǵa, aýyl balalary men jasóspirimderin sportqa baýlýǵa, buqaralyq sportty damytýǵa, sondaı-aq aýyldyq jattyqtyrýshylardyń biliktiligin arttyrýǵa baǵyttalǵan. Sonymen qatar, bul bastama jas sportshylardy qoldaýǵa, olardyń áleýetin damytýǵa jáne sporttyq bastamalardy birlesip júzege asyrýǵa múmkindik beredi. Qujatqa Halyk qorynyń Atqarýshy dırektory Jaqsylyqov Ǵalymbek Jaqsylyquly jáne "Qazaqstannyń karate federaııasynyń odaǵy" ZTB Bas hatshysy Moldaǵalı Asqar qol qoıdy.
Búginde elimizdiń kóptegen aýyldyq aımaqtarynda sport ınfraqurylymynyń jetkiliksizdigi, jattyqtyrýshylar men tóreshilerdiń tapshylyǵy baıqalady. Osy turǵydan alǵanda, AUYL SPORT jobasy – aýyl jastarynyń sportqa degen qyzyǵýshylyǵyn arttyryp, olardyń salaýatty ómir saltyn ustanýyna yqpal etetin mańyzdy bastama.
Karate federaııasymen áriptestik – jobanyń damýyna tyń serpin beredi
"Qazaqstannyń karate federaııasynyń odaǵy" – elimizdegi jetekshi sporttyq uıymdardyń biri. Onyń aýyl sportynyń damýyna atsalysýy karate sportyn óńirlerde keńinen taratýǵa, jas sportshylarǵa tájirıbeli jattyqtyrýshylardan tálim alýǵa, sondaı-aq halyqaralyq standarttarǵa saı sporttyq is-sharalar uıymdastyrýǵa múmkindik beredi.
"Búgin karate federaııasymen jasalǵan memorandým – AUYL SPORT jobasynyń odan ári damýyna zor úles qosatynyna senemin. Bul seriktestik aýyldyq jerlerde sporttyń damýyna tyń serpin berip, jas sportshylarǵa jańa múmkindikter ashady", – dedi Halyk qorynyń Atqarýshy dırektory Jaqsylyqov Ǵalymbek Jaqsylyquly.
Bul memorandým elimizdegi buqaralyq sportty damytý men qaıyrymdylyq mádenıetin nyǵaıtýǵa baǵyttalǵan mańyzdy qadam. Qujatqa qol qoıǵan taraptar aldaǵy ýaqytta yntymaqtastyqty tereńdetip, aýyldyq sporttyń qoljetimdiligin arttyrý úshin birlese jumys isteıtinderin málimdedi.
Eske salaıyq, AUYL SPORT jobasy 2024 jyly oblystyq deńgeıdegi týrnırlerden bastaý aldy. Oǵan 200 aýyldan 12 myńnan astam bala men jasóspirim qatysyp, sportqa degen qyzyǵýshylyqtaryn tanytty. Karate – joba aıasynda qamtylǵan alty sport túriniń biri. Jobanyń respýblıkalyq týrnıriniń fınaly elimizdiń 17 oblysynan 1300-den astam jas sportshyny bir alańda toǵystyryp, aýyl sportyn jańa deńgeıge kóterdi.
Halyk qaıyrymdylyq qory – elimizdiń túkpir-túkpirindegi muqtaj jandardy qoldaýǵa jáne halyqtyń ómir súrý sapasyn jaqsartýǵa baǵyttalǵan áleýmettik bastamalarǵa udaıy qoldaý kórsetip kele jatqan iri uıym. Qor aýyldaǵy sportty damytýǵa 500 mıllıon teńgege jýyq qarjy bóldi. Sonymen qatar, osy kúnge deıin 120-dan astam áleýmettik jobany júzege asyryp, oǵan 85 mıllıard teńge kóleminde qarajat jumsady.
AUYL SPORT jobasy – aýyl sportynyń jańa deńgeıge kóterilýine yqpal etip, bolashaq chempıondardyń shyǵýyna múmkindik beredi! Tımýr Qulybaevtyń bul bastamasy aýyl balalaryna sport arqyly jańa múmkindikter syılaýǵa degen umtylysynyń jarqyn kórinisi.
