Franııa prezıdenti Emmanýel Makron Eýroodaq Ýkraınaǵa júzdegen mıllıard eýro kóleminde qarjylaı kómek kórsetý múmkindigin qarastyryp jatqanyn málimdedi, dep habarlaıdy “Adyrna” ulttyq portaly DW basylymyna siltep.
Makronnyń aıtýynsha, 6 naýryzda ótetin Eýroodaqtyń kezekten tys sammıtinde Ýkraınaǵa qoldaý kórsetý jáne Eýropanyń qaýipsizdik júıesin qurý máseleleri talqylanady. Ol Eýrokomıssııaǵa Ýkraına úshin aýqymdy qarjylandyrý baǵdarlamasyn iske qosý týraly tapsyrma berilýi múmkin ekenin atap ótti.
Franııa prezıdenti Eýropanyń qaýipsizdigi úshin AQSh-tyń qoldaýyn saqtaý mańyzdy ekenin aıtty. Alaıda, onyń pikirinshe, AQSh-tyń qazirgi prezıdenti Donald Tramp Reseımen kelisimge kelýge beıim, bul – qatelik.
Makron Ulybrıtanııa premer-mınıstri Kır Starmermen birge Ýkraınada eýropalyq bitimgerlik kúshterin ornalastyrý týraly bastamany usynǵanyn da málimdedi. Ol bul qadam Kıevke qaýipsizdik kepildigin berý úshin mańyzdy ekenin aıtty.
Sonymen qatar, Franııa basshysy Reseıdi Eýropa úshin “ekzıstenıaldy qaýip” dep atap, Trampty Ýkraınamen dıalogty jalǵastyrýǵa shaqyrdy.
