AQŞ Qytaiǧdan importtalatyn tauarlar üşın 245 paiyz kölemınde tarif salyuy mümkın. Būl turaly Aq üidıŋ resmi saitynda jariialanǧan mälımdemede aitylǧan, dep habarlaidy "Adyrna" ūlttyq portaly.
Aq üi taratqan aqparatqa säikes, prezident Donald Tramp AQŞ-tyŋ qaita öŋdelgen asa maŋyzdy mineraldar men olardan jasalatyn önımderge täueldılıktıŋ ūlttyq qauıpsızdıkke qandai qater töndıretının zertteudı bastau turaly jarlyqqa qol qoiǧan.
«Būl prezident jarlyǧy Tramp äkımşılıgınıŋ sauda saiasaty AQŞ-tyŋ ūzaq merzımdı müddelerıne sai qyzmet etuı üşın būǧan deiın qabyldaǧan şaralaryna negızdelgen», – delıngen habarlamada.
Tramp äkımşılıgı AQŞ-tyŋ ūlttyq qauıpsızdıgın qorǧau üşın barlyq elderge 10 paiyzdyq tarif engızgenın jäne AQŞ-pen sauda tapşylyǧy eŋ joǧary elderge jeke-jeke joǧary tarifter engızgenın eske saldy.
Bügınde 75-ten astam el jaŋa sauda kelısımderın talqylauǧa kırısken. Osy kelıssözder aiasynda keibır jeke joǧary tarifter uaqytşa toqtatylǧan – bıraq Qytai būl tızımge kırmegen. Sebebı ol AQŞ-qa jauap retınde qarsy şaralar qabyldaǧan.
«Qytaidyŋ jauapty äreketterınıŋ nätijesınde endı ol AQŞ-qa tauar eksporttaǧan kezde 245 paiyzdyq tarifke tap bolmaq. Prezident Tramp bolaşaqta bolar zaŋ ainalma joldary men erekşe jaǧdailardy joiyp, bolatqa salynatyn 25 paiyzdyq bastapqy tariftı qalpyna keltırıp, aliuminiige salynatyn tariftı de 25 paiyzǧa deiın köteru turaly jarlyqtarǧa qol qoidy», – dedı Aq üi ökılderı.
Säuır aiynyŋ basynda AQŞ prezidentı Donald Tramp 185 elden keletın importtyq tauarlarǧa baj salyǧyn engızdı. Qytaiǧa qatysty būl tarif 145 paiyzǧa deiın köterıldı. Jauap retınde Qytai da AQŞ-tyŋ tauarlaryna 84 paiyzdyq baj salyǧyn saldy.
Keiınırek Tramp özara baj salyqtarynyŋ küşın 90 künge toqtatu turaly şeşım qabyldady – bıraq būl Qytaiǧa qatysty emes. AQŞ prezidentı 75-ten astam eldıŋ sauda men kedendık tosqauyldar mäselelerın talqylau üşın kelıssözder ötkızudı ūsynǧanyn jäne olardyŋ AQŞ-qa qarsy eşqandai qarsy şaralar qabyldamaǧanyn habarlady.
