Almatyda dın salasyndaǧy üzdık materialdarǧa arnalǧan baiqau 6 jyl boiy jalǧasyp keledı.
Dästürge ainalǧan erekşe baiqau qoǧamdaǧy tūraqtylyqty nyǧaitu, dıni ekstremizm men radikalizmnıŋ aldyn alu üşın ötkızılıp keledı. Baiqaudy Almaty qalasy Dın ısterı jönındegı basqarmasynyŋ tapsyrysy boiynşa "Jauhar" ūlttyq salt-dästürdı qoldau qory" ūiymdastyruda.
Baiqaudyŋ negızgı maqsaty - dıni ekstremizmge qarsy ıs-qimyl jäne konfessiiaaralyq kelısım ideialaryn nasihattau, özektı mäseleler boiynşa üzdık jurnalister men basqa da azamattardy anyqtau jäne yntalandyru jäne qoǧamda tūraqtylyqty nyǧaitu mäselelerıne jurnalister men belsendı azamattardyŋ nazaryn audaru. Ūiymdastyruşylardyŋ sözınşe, jurnalister men BAQ-ty, sondai-aq, dın salasyndaǧy özektı mäseleler boiynşa materialdar jariialaityn özge azamattardy qoldau baiqaudyŋ negızgı maqsaty bolyp tabylady.
Ötken jylmen salystyrǧanda baiqaudyŋ jülde qory ösken. 2024 jylǧy baiqaudyŋ jülde qory 3 050 000 teŋge bolsa, biyl jeŋımpazdarǧa berıletın syiaqynyŋ jalpy kölemı – 3 500 000 teŋge. Sondai-aq, biyl jeŋımpazdar ötken jyldaǧydai 10 nominasiia emes, 7 baǧyt boiynşa baq synaidy. Üzdık pıkır iesıne 150 000 tg, äleumettık jelılerdegı üzdık taqyryptyq post – 250 000 tg, internet-resursta qazaq tılındegı üzdık maqala – 350 000 tg, internet-resursta orys tılındegı üzdık maqala – 350 000 tg, «instagram» äleumettık jelısındegı üzdık beinerolik – 600 000 tg, «tiktok» äleumettık jelısındegı üzdık beinerolik – 600 000 tg, üzdık motivasiialyq söz jäne ündeu – 300 000 tg alady. Al 10 qatysuşyǧa yntalanlyru maqsatynda 70 myŋ teŋge kölemınde syiaqy berılmek.
Jobanyŋ tiımdılıgın arttyru maqsatynda är jyly nominasiialar sany men türlerı özgerıp otyrady. Sonymen qatar, baiqaudyŋ basty talaptarynyŋ bırı – qatysuşylar būryn jasalǧan nemese basqa memlekettık organdardyŋ tapsyrysymen daiyndalǧan materialdardy ūsynbauy tiıs. Barlyq jūmystar tek osy baiqau aiasynda arnaiy äzırlenuı qajet. Atalmyş baiqauǧa ötken kezeŋnıŋ jeŋımpazdary jaŋa material ūsynyp, qatysuyna da mümkındık bar.
"Byltyr 10 nominasiia boldy. Kei nominasiialarǧa qatysuşylardyŋ qyzyǧuşylyǧy tömen bolǧanyn, jūmystyŋ kışkene qiyndyq tudyrǧanyn baiqadyq. Kei nominasiiany qysqarttyq, bıraq jülde qoryn köbeittık", - deidı bölım basşysy Baqdäulet Äbdıhamitov.
Baiqauǧa 16 jastan asqan Almaty qalasynyŋ tūrǧyndary, studentter, zeinetkerler de qatysa alady. Jūmystar qazaq jäne orys tılderınde qabyldanady. Qatysuşylar öz materialdaryn 2025 jyldyŋ 1 qazanyna deiın jariialap, ūiymdastyruşylardyŋ poştasyna jıberuı tiıs.
Qatysuşylardyŋ materialdary 2025 jyldyŋ 1 qazanyna deiın almaty.baiqau.2025@mail.ru resmi poştasyna joldanuy tiıs. Arnaiy qūrylǧan qazylar alqasy barlyq jūmystardy qarap, jeŋımpazdardy anyqtaidy. Erejege säikes, komissiia qūramynda kemınde 5, bıraq 9 müşeden aspaityn sarapşy boluy tiıs. Sonymen qatar, qazylar alqasynyŋ müşelerınıŋ sany jūp bolmauy kerek. Onyŋ qūramyna Almaty qalasy Dın ısterı jönındegı basqarmasynyŋ ökılderı, qoǧam qairatkerlerı, dın salasyndaǧy sarapşylar men jurnalister kıredı. Komissiiany töraǧa basqarady, al ol bolmaǧan jaǧdaida onyŋ orynbasary jetekşılık etedı. Qazylar alqasy baiqaudyŋ ırıkteu kezeŋderın zerdelep, qorytyndy şeşımdı dauys beru arqyly qabyldaidy. Barlyq şeşımder hattamaǧa tırkelıp otyrady.
Baiqau jeŋımpazdaryn anyqtau prosesı aşyq jäne ädıl ötedı dep kütılude. Qazylar alqasynyŋ şeşımı negızınde jeŋımpazdar 2025 jyldyŋ qazan aiynyŋ soŋynda marapattalady.
Ūqsas jaŋalyqtar
