Almatyda din salasyndaǵy úzdik materıaldarǵa arnalǵan baıqaý 6 jyl boıy jalǵasyp keledi.
Dástúrge aınalǵan erekshe baıqaý qoǵamdaǵy turaqtylyqty nyǵaıtý, dinı ekstremızm men radıkalızmniń aldyn alý úshin ótkizilip keledi. Baıqaýdy Almaty qalasy Din isteri jónindegi basqarmasynyń tapsyrysy boıynsha "Jaýhar" ulttyq salt-dástúrdi qoldaý qory" uıymdastyrýda.
Baıqaýdyń negizgi maqsaty - dinı ekstremızmge qarsy is-qımyl jáne konfessııaaralyq kelisim ıdeıalaryn nasıhattaý, ózekti máseleler boıynsha úzdik jýrnalıster men basqa da azamattardy anyqtaý jáne yntalandyrý jáne qoǵamda turaqtylyqty nyǵaıtý máselelerine jýrnalıster men belsendi azamattardyń nazaryn aýdarý. Uıymdastyrýshylardyń sózinshe, jýrnalıster men BAQ-ty, sondaı-aq, din salasyndaǵy ózekti máseleler boıynsha materıaldar jarııalaıtyn ózge azamattardy qoldaý baıqaýdyń negizgi maqsaty bolyp tabylady.
Ótken jylmen salystyrǵanda baıqaýdyń júlde qory ósken. 2024 jylǵy baıqaýdyń júlde qory 3 050 000 teńge bolsa, bıyl jeńimpazdarǵa beriletin syıaqynyń jalpy kólemi – 3 500 000 teńge. Sondaı-aq, bıyl jeńimpazdar ótken jyldaǵydaı 10 nomınaııa emes, 7 baǵyt boıynsha baq synaıdy. Úzdik pikir ıesine 150 000 tg, áleýmettik jelilerdegi úzdik taqyryptyq post – 250 000 tg, ınternet-resýrsta qazaq tilindegi úzdik maqala – 350 000 tg, ınternet-resýrsta orys tilindegi úzdik maqala – 350 000 tg, «ınstagram» áleýmettik jelisindegi úzdik beınerolık – 600 000 tg, «tıktok» áleýmettik jelisindegi úzdik beınerolık – 600 000 tg, úzdik motıvaııalyq sóz jáne úndeý – 300 000 tg alady. Al 10 qatysýshyǵa yntalanlyrý maqsatynda 70 myń teńge kóleminde syıaqy berilmek.
Jobanyń tıimdiligin arttyrý maqsatynda ár jyly nomınaııalar sany men túrleri ózgerip otyrady. Sonymen qatar, baıqaýdyń basty talaptarynyń biri – qatysýshylar buryn jasalǵan nemese basqa memlekettik organdardyń tapsyrysymen daıyndalǵan materıaldardy usynbaýy tıis. Barlyq jumystar tek osy baıqaý aıasynda arnaıy ázirlenýi qajet. Atalmysh baıqaýǵa ótken kezeńniń jeńimpazdary jańa materıal usynyp, qatysýyna da múmkindik bar.
"Byltyr 10 nomınaııa boldy. Keı nomınaııalarǵa qatysýshylardyń qyzyǵýshylyǵy tómen bolǵanyn, jumystyń kishkene qıyndyq týdyrǵanyn baıqadyq. Keı nomınaııany qysqarttyq, biraq júlde qoryn kóbeıttik", - deıdi bólim basshysy Baqdáýlet Ábdihamıtov.
Baıqaýǵa 16 jastan asqan Almaty qalasynyń turǵyndary, stýdentter, zeınetkerler de qatysa alady. Jumystar qazaq jáne orys tilderinde qabyldanady. Qatysýshylar óz materıaldaryn 2025 jyldyń 1 qazanyna deıin jarııalap, uıymdastyrýshylardyń poshtasyna jiberýi tıis.
Qatysýshylardyń materıaldary 2025 jyldyń 1 qazanyna deıin almaty.baiqau.2025@mail.ru resmı poshtasyna joldanýy tıis. Arnaıy qurylǵan qazylar alqasy barlyq jumystardy qarap, jeńimpazdardy anyqtaıdy. Erejege sáıkes, komıssııa quramynda keminde 5, biraq 9 músheden aspaıtyn sarapshy bolýy tıis. Sonymen qatar, qazylar alqasynyń músheleriniń sany jup bolmaýy kerek. Onyń quramyna Almaty qalasy Din isteri jónindegi basqarmasynyń ókilderi, qoǵam qaıratkerleri, din salasyndaǵy sarapshylar men jýrnalıster kiredi. Komıssııany tóraǵa basqarady, al ol bolmaǵan jaǵdaıda onyń orynbasary jetekshilik etedi. Qazylar alqasy baıqaýdyń irikteý kezeńderin zerdelep, qorytyndy sheshimdi daýys berý arqyly qabyldaıdy. Barlyq sheshimder hattamaǵa tirkelip otyrady.
Baıqaý jeńimpazdaryn anyqtaý proesi ashyq jáne ádil ótedi dep kútilýde. Qazylar alqasynyń sheshimi negizinde jeńimpazdar 2025 jyldyń qazan aıynyń sońynda marapattalady.
