Búgin Qyzylorda oblysynyń ákimi Nurlybek Nálibaevtyń qatysýymen Jalaǵash aýdanynyń«Qaraketken» aýylynda «Aýyldyq densaýlyq saqtaýdy jańǵyrtý» ulttyq jobasymen salynǵan dárigerlik ambýlatorııa ashyldy. Rásimge oblystaǵy quqyq qorǵaý organdarynyń basshylary, medıına salasynyń ardagerleri, qoǵam qaıratkerleri men aýyl turǵyndary qatysty.
Aımaq basshysy jınalǵan qaýymdy quttyqtap, óńirdiń áleýmettik-ekonomıkalyq damýyndaǵy, qurylys densaýlyq saqtaý salalaryndaǵy jańashyldyqtarǵa toqtaldy.
«Memleket basshysynyń tóraǵalyǵymenótken Úkimettiń keńeıtilgen otyrysynda óńirdiń áleýmettik-ekonomıkalyq damý qorytyndylaryn baıandadym. Prezıdentimiz Qasym-Jomart Kemeluly oblysta atqarylǵan jumystarǵa oń baǵasyn berdi. Aldymyzda áli júzege asyratyn jobalarymyz kóp. Osy baǵytta jumysymyzdy jalǵastyratyn bolamyz.
Aımaqtyń densaýlyq saqtaý salasynyń bıýdjeti 129 mlrd. 448 mln. teńgege jetti. «Aýylda densaýlyq saqtaýdy jańǵyrtý» ulttyq jobasy aıasynda barlyq aýdanda 28 medıınalyq nysan salyndy. Jalaǵash aýdanynyń Eset batyr, Myrzabaı ahýn aýyldaryndaǵy eki dárigerlik ambýlatorııa 2023 jyly ashylyp, qazir el ıgiligine qyzmet etýde.
Búgin el ıgiligine tabystalatyn jańa ǵımaratta bastapqy medıınalyq kómek kórsetý sapasyn jaqsarta túsýge jol ashylsyn! Dárigerlerimiz elge adal qyzmet etip, halyq alǵysyna bólene bersin! Egemen elimizdiń eńsesi bıik, Táýelsizdigimiz baıandy bolǵaı!» – dedi Nurlybek Mashbekuly.
Jıynda medıına salasynyń ardageri,Qyzylorda oblysynyń Qurmetti azamaty, «Qurmet» jáne «Parasat» ordenderiniń ıegeri Turǵanbaı Mahanov batasyn berdi. Aýdannyń áleýmettik-ekonomıkalyq damýy jolynda qajyrly eńbek etken ardagerler men aýrýhanany salǵan qurylysshylarǵa marapattar tapsyryldy.
Aıta keteıik, ótken jyly Qyzylordada jańa «Qan ortalyǵy» ashylyp, búginde el ıgiligine qyzmet etýde. Jańaqorǵan aýdany «Tómenaryq» aýylynda, Aral aýdany «Sekseýil» kentinde aýyldyq aýrýhanalar qoldanysqa berildi. Ana men bala ómirin qorǵaý maqsatynda kópbeıindi oblystyq aýrýhana bazasynda jańa MRT apparaty iske qosylyp, 70 oryndyq perınataldyq bólim ashyldy.
Oblys ortalyǵynda emhanasy men onkologııalyq bólimshesi bar 300 oryndyq kópbeıindi aýrýhananyń qurylysy júrýde. Budan bólek, ulttyq joba aıasynda 4 kópbeıindi aýdandyq ortalyq aýrýhana janynan qosymsha qurylys salynady.
Ótken jyly 8 medıınalyq nysanǵa kúrdeli jóndeý jumystary júrgizildi. Bıyl 6 nysannyń jylý júıesi gazǵa aýystyrylady. Medıınalyq qural-jabdyqtarmen qamtylýdeńgeıi 87,1 paıyzǵa jetti. Sońǵy 2 jylda oblystyń barlyq eldi mekenindegi densaýlyq saqtaý mekemelerine 245 jańa sanıtarlyq avtokólik tabystalsa, onyń 11-i Jalaǵash aýdanyna berildi. Osylaısha, aýyldardy sanıtarlyq avtokólikpen qamtý máselesi tolyq sheshildi.
Memleket basshysynyń bastamasymen qurylǵan «Qazaqstan halqyna» qory óńirdiń densaýlyq saqtaý salasyn damytýǵa 4 mlrd. teńgeden astam qarjy baǵyttady. Bul qarjyǵa Aral, Jańaqorǵan aýdandary men Qyzylorda qalasynda «Qamqorlyq» ońaltý ortalyqtary ashyldy. Skrınıng júrgizýge arnalǵan jyljymaly medıınalyq keshen alynyp, aýyl turǵyndaryn tekserýden ótkizýde.
