Qyzylorda qalasynda dúkenniń tóbesi qulap, Ózbekstan azamaty qaza tapty. Bul týraly oblystyq tótenshe jaǵdaılar departamentiniń baspasóz qyzmeti málimdedi, dep habarlaıdy “Adyrna” ulttyq portaly.
Qaıǵyly oqıǵa búgin saǵat 15:11-de boldy. Qaladaǵy Tórequlov kóshesiniń boıynda jańadan salynyp jatqan eki qabatty dúkenniń tóbesi qulaǵan.
”Oqıǵa ornynda qurylys jumystaryn júrgizip jatqan 1996 jylǵy ózbekstandyq qaza tapty. TJD jedel qutqarý jasaǵynyń kúshimen máıit úıindi astynan shyǵaryldy”, - dep jazylǵan habarlamada.
