23-24 qazan künderı «Respublika künı» ūlttyq merekesı jäne Qyzylorda qalasynyŋ astana bolǧanyna 100 jyl tolu mereitoiyna orai Şveisariianyŋ Jeneva, Bern qalalarynda Syr önerpazdarynyŋ konsertı öttı.
Konsertke Şveisariiadaǧy şeteldık elşılıkterdıŋ ökılderı, Jeneva jäne Bern qalalaryndaǧy qazaq diasporasy men jergılıktı tūrǧyndar qatysty.
Konserttıŋ maqsaty – qazaq mädenietın, ūlttyq önerdı, Syr öŋırınıŋ jyraulyq dästürın älemge tanytu. Oǧan ūlttyq muzykanyŋ jauharlaryn törtkül düniege paş etken halyq aspaptar, Syr öŋırınen şyqqan respublikaǧa tanymal mädeniet maitalmandary M.Niiazov, Ü.Medeuova, A.Şaǧdatov, M.Maqūlbekov, Ä.Quaŋbaev, T.Ötenova, B.Orynbasar, M.Amanjolov, A.Şadaev, A.Mahambetjan, A.Äbdı, A.Töreǧali jäne M.Jantöre, A.Şükırov, J.Jūmabek, J.Qaiypbergen, N.Rüstemūly, Z.Nysanbaev, T.Aiapova qatysyp, öner körsettı.
Gastroldık sapar aiasynda körermenge konserttık baǧdarlamamen qatar, qazaqtyŋ ūlttyq taǧamdary, ūlttyq naqyşta jasalǧan syi-siiapat ūsynyldy.
Jūrtşylyq tanym men taǧylymǧa toly keş syilaǧany üşın syrboiylyq önerpazdarǧa alǧys bıldırdı.
Aita ketu qajet, osy jyly Nauryz merekesınıŋ tarihi jäne mädeni maŋyzyn tüsındıru, älem jūrtşylyǧyna tanystyru maqsatynda İspaniia, Finliandiia, Estoniia memleketterınde Syr önerpazdarynyŋ konsertı ötken bolatyn.
