Jaqynda Memleket basşysy Qasym-Jomart Kemelūly Toqaev Qyzylorda oblysyna jūmys saparymen kelıp, aimaqtyŋ damuyna serpılıs bergen jobalarmen tanysty.
Syr jūrtşylyǧy Prezidentımızdıŋ bırlık pen tūraqtylyqqa, halqymyzdyŋ äl-auqatyn jaqsartuǧa baǧyttalǧan bastamalaryn qoldap keledı.
Aimaqtaǧy igılıktı ısterdıŋ jüzege asuyna erekşe qamqorlyq körsetkenın jaqsy bıledı. Öitkenı saiasi-ekonomikalyq reformalardyŋ nätijesı Qyzylorda oblysynyŋ bügıngı damu serpınınen anyq baiqalady.
Memleket basşysynyŋ öŋır jūrtşylyǧymen kezdesude aitqan älemdegı ahual, su tapşylyǧy, jastar tärbiesı, jasandy intellekt däuırınıŋ jaŋaşyldyqtaryn paidalanu turaly paiymdary barşaǧa oi saldy. Äsırese, Astana men Almaty qalalaryndaǧydai täulık boiy qyzmet körsetetın üşınşı Prezidenttık kıtaphanany Qyzylorda qalasynda salu turaly bastama jūrtşylyqty quanyşqa kenelttı. Prezidenttıŋ:
«Oblys jalpy jaqsy damyp kele jatyr. Qarqyny joǧary»,- degen oŋ baǧasy yntymaǧy men bırlıgı jarasqan Syr halqynyŋ mereiın ösırdı.
Sapardan soŋ, qyzylordalyqtar Memleket basşysy Qasym-Jomart Kemelūlyna hat joldap, alǧys bıldırdı.
«Sızge barşa Syr jūrtşylyǧy atynan şynaiy alǧysymyzdy, zor rizaşylyǧymyzdy bıldıremız.
Ädılettı, Quatty, Taza Qazaqstandy qūru jolyndaǧy barlyq bastamalaryŋyzdy qoldaimyz!
Täuelsız elımızdıŋ damuyna baǧyttalǧan tarihi missiiaŋyzǧa mol jetıstık, myqty densaulyq jäne sarqylmas jıger tıleimız!»- delıngen hatta.
Syr jūrtşylyǧynyŋ atynan joldanǧan alǧysty jetkızgender arasynda “Qazaqstannyŋ Eŋbek Erlerı”, ardagerler men äielder keŋesı, qoǧamdyq keŋes, ziialy qauym, azamattyq qoǧam ökılderı men jastar bar.
