Qyzylorda oblysynyŋ tūrǧyny Nūrlan Tūrmanov Prezident Qasym-Jomart Toqaevqa altynşy ret hat joldady. Aituynşa, özın aiuandyqpen qorlaǧandar älı de jazasyz jür. Būl turaly Nūrlan «Adyrna» ūlttyq portalynyŋ tılşısıne aityp berdı.
2013 jyly Qaraǧandyda tūratyn qūda balasy Berkınbaev Aidos Nūrlannan özınıŋ mūnai önımderın zaŋsyz satudy qolǧa alyp jatqanyn, Qaraǧandyda ırı baskeserlermen bailanysta ekenın aityp, Qyzylordada kontrabandalyq mūnai önımderın ötkızetın jer tauyp beruın sūraǧan. Odan Nūrlan bas tartsa da, Aidos qoimaǧan. Keiınnen Nūrlandy aldap alyp ketıp, «Appaq Säbit» laqap atymen tanymal Ömırzaqov Säbitbek aiuandyqpen azaptapty. Qorlyq körgen Nūrlan Tūrmanov polisiiaǧa bırneşe ret şaǧymdanyp, nätijesız bolǧannan keiın Prezident Qasym-Jomart Toqaevqa hat joldaǧan.
«Ömırzaq Säbitbek menı 41 jerden tyrnaǧymnyŋ astyna ine tyǧyp, şabyma bız tyǧyp, aiuandyqpen azaptady. Densaulyǧyma zaqym keltırdı. Tıptı, öltırmek te boldy. Aqşa bopsalady. Eger bermeseŋ, 8 oqityn qyzyŋdy zorlaimyz dep qorqytty. Olar älı künge deiın bostandyqta jazalaryn almai jür», - deidı Nūrlan.Nūrlan Prezident Qasym Jomart Toqaev bilıkke kelgelı berı 6 ret hat joldaǧan. Onyŋ alaŋdauy tek özı üşın ǧana emes, özı siiaqty jäbırlenuşılerdıŋ bolmaǧanyn da qalaidy. Özınıŋ las ısterıne aralastyrmaq bolǧan Ömırzaqov Säbitbektıŋ atyna qanşa aryz jazsa da, oǧan qatysty ısterdıŋ barlyǧy jauapsyz bolatynyna qapaly. Öitkenı, Appaq Säbittıŋ tıreuı myqty deidı.
«Qūrmettı Qasym-Jomart Kemelūly Toqaev myrza! Eldıŋ ışındegı tynyştyqty küzetetın Ūlttyq qauıpsızdık basqarmasy 2017 jyly 16 mamyr künı Qyzylorda, Taraz, Şymkent qalasynda arnaiy spesoperasiia jürgızgen. Ol ūiymdasqan top «Appaq Säbit» laqap atymen tanymal Ömırzaqov Säbitbek pen Qaraǧandynyŋ qylmys serkesı bolyp otyrǧan Berkınbaev Aidos, Teleuov Nurlan, İmankulov Nurbolattyŋ bas aiaǧy 40-qa juyq aiuandyqpen ainalysqan bopsalaumen ainalysyp jürgenı turaly 5 jyl boiy aryzdanyp jürıp, tek 2017 jyly ǧana qozǧalys bolǧan edı. Bıraq üiymdasqan toptyŋ ışınde tek basty serkesı Appaq Säbittı ūstap, keşke qaitaryp jıberdı. Ol şyǧysymen sol kezdegı Öskemen oblysynyŋ prokurory, iaǧni auyldasy Täiımbetov Baǧlanǧa habarlasyp bolǧan jäidı aitqany üşın Öskemen prokurory Täiımbetov Baǧlan 2 jyldan asa jūmyssyz jürdı. N. Ä. Nazarbaev myrza elbasylyǧynan ketken soŋ qoldauşysy men qorǧauşysy küştı boldy ma, Soltüstık öŋırdıŋ oblys prokurory bop şyǧa keldı. Qylmys älemınıŋ serkesınıŋ de kryşasy osy general ekenın bıle tūra Respublikalyq Ūlttyq qauıpsızdık basqarmasy qalai jıbere qoidy?», dep bastalady Nūrlannyŋ haty.Hat mätınıne toqtalar bolsaq, «Appaq Säbit» laqap atymen tanymal Ömırzaqov Säbitbek esımdı azamat anaşa ösırıp-satumen ainalysady. Sonymen qatar, qylmystyq top ūstap otyr. Ony qūzyrly organdardyŋ barlyǧy tanyp, odan aqşa alatyndyqtan, eşqandai äreket ete almaidy eken.
«Közımdı bailap qoidy, ış kiımımdı ǧana qaldyryp şeşındırdı de bır ǧimaratqa kırgızdı. Kırgennen bastap soqqynyŋ astyna aldy. Är soqqynyŋ arasynda menıŋ kriminaldy mūnai saudasyna kömektespegenım üşın aiypty ekenımdı, sol üşın anamnyŋ ainalysyp otyrǧan şaştarazy men şaǧyn dükenın solarǧa beru kerektıgımızdı aitty. Men bas tarttym. Sol kezde jıgıtter menı köterıp alyp, beton edenge bar küşterımen sanap tūryp 10 ret laqtyrdy», - deidı Nūrlan.Keiın aitqandaryna könbegen Nūrlandy olar suǧa aǧyzyp jıbermek bolady. Osy kezde Tūrmanov Aidosqa üiındegılerge keterınde «Aidosqa baramyn» dep ketkenın, özın öltırse, bärıbır Aidostyŋ äşkere bolatynyn aitady. Keiın baskeserler Nūrlannan aqşa bopsalap, bolmasa otbasyna zardaptaryn tigızetının aitqan.
«Men olardan bosaǧannan keiın otbasym üşın alaŋdadym. Olarǧa bır tiyn da bermedım. Alaida densaulyǧymdy berdım. Keiın olar 2017 jyly jürgızılgen spesoperasiiadan keiın maǧan qoqan-loqy körsetulerın qoidy. Alaida Appaq Säbittı ūstap, qamauǧa alyp ketse de, sybailastary ony ötırık tekserıp, bosatyp jıberedı. Öitkenı, qūzyrly organdardyŋ barlyǧyna aqşa beredı eken. Appaq Säbittıŋ üstınen aryzdanǧanda, sol kezdegı UBOP basşysy İskakov Ermek qyzmetkerlerıne Appaq Säbittı, Teleuov Nurlandy, İmankulov Nurbolatty ūstap äkeluın tapsyrdy. İskaov Ermek olarmen oŋaşa 3 saǧat söilesıp jıbere saldy. Maǧan «qylmys joq, olar taza» degen kezde kezdestıruın talap etken edım. Sol kezde Appaq Säbit UBOP basşysynyŋ kabinetınde közınşe «men būlarǧa ai saiyn otmetka berıp otyrmyn. Būlar menıŋ berıp otyrǧan otmetkama üi salyp, djip mınıp jür» degen sözıne sol kezdegı UBOP basşysy söilei almai qalǧan. Al Respublikalyq arnaiy spesoperasiia kezınde osy Appaq Säbittıŋ aulasyna kömılgen plastmassa böşkeden sol kezdegı dollar kursy 123 tenge bolatyn 600 000 000 (alty jüz million tenge) bırneşe myŋ dollar men bırneşe myŋ evro şyqty. Iаǧni, bas aiaǧy 7 000 000 (jetı million) dollardai boldy. Odan keiın aqşamen bırge Appaq Säbittı Almaty men Astanaǧa alyp ketıp, keiın tek qaǧaz jüzınde 700 myŋ dollardy ǧana körsetken. Sonda Appaq Säbittıŋ qalǧan aqşasyn alyp, özıne tek bolmaşy srok äperıp otyrǧan qai general?», dep küiındı Nūrlan.Nūrlan aryz jazsa, ony psihologiialyq aqauy bar degen tırkeude tūr dep ıstı jauyp tastaǧan. Alaida eşqandai tırkeude bolǧan da emespın degen Nūrlan küiınışın bıldıredı. Tıptı, ony däleldeu üşın anyqtamasy da bar.
«Appaq Säbittıŋ banditterı itşe talap itşe qinauynyŋ zardabyn qazırgı kezde tartudamyn. Bel omyrtqamnyŋ bırneşeuın syndyrdy. Al men siiaqty qanşa adamdy aldap, ūrlap äketıp syndyryp nemese joq qyp jatqanyn özı ǧana bıledı. Men olarǧa eşqandai aqşa bermedım, olarǧa densaulǧymdy berdım. Sol üşın jauap berulerı kerek. Qyzylorda oblysyndaǧy bylyqtar aşylyp, auyz jalasyp otyrǧandar jazasyn alu qajet!», - deidı Nūrlan.Nūrlan bırneşe jerge aryzdanyp, Prezidentke hat joldaǧannan keiın olar qorqytuyn, bopsalauyn doǧarypty. Alaida Appaq Säbitpen sybailas Qyzylorda oblysynyŋ Jol potruldık komandirı Narmanov Maqsat byltyr maŋdaiyna Makarov qaruyn taqap, aqşa bopsalaǧan körınedı.
«Jol potruldık polisiiasynyŋ komandirı Narmanov Maqsat ta olarmen sybailas. Byltyr Narmanov men KNB-nyŋ ıs-şarasyna baryp kele jatqanymda, menı toqtatyp, bır maşinamen bes adam kelıp, mennen 5 million aqşa bopsalap, maŋdaiyma Makarov pistoletın taqady. Onyŋ aǧasy özbek azamatyn zaŋsyz ūstap otyr. Özbek azamaty qaşuǧa talpynsa, öltıremın dep qorqytady. Onyŋ üstıne qylmystyq topty basqarady. M.Narmanov jalǧan jauap berıp, özınıŋ ofiserlık antyna adal emestıgıne jäne ūiymdasqan qaruly top ūstauy, sonymen qatar, şetel azammatynyŋ aǧasynyŋ qolynda qūldyqta jüruı, qyzmetın asyra paidalanuy onyŋ organda jūmys ısteuıne jol joq ekenın bıldırtedı. Sondyqtan oǧan eskertu berumen emes, jūmystan bosatu kerek. Osyndai qaruly top ūstap otyrǧandardy zaŋ aiasynda jazalauyŋyzdy sūraimyn. Osy toptyn jasaǧan äreketterın köre tūra jalǧan jauap bergen kısılerdıŋ bärıne zaŋ aiasynda şara qoldanuyŋyzdy talap etemın. Älde Jaŋa Qazaqstanǧa osyndai ötırık aityp ötırık söileitın ofiserler kerek pa?» , dep Nūrlan Toqaevqa ündeu joldady.
«Men bırneşe ret aryzdansam da, «sızdıŋ aryzyŋyz däleldenbeidı» deidı. Ol qalai däleldenbeidı? Sonda Qyzylorda oblysynyŋ qūzyrly organdarynyŋ barlyǧy satyla ma? Qyzylordanyŋ barlyǧy bylyq pa? Kezınde qylmyspen, iaǧni mūnai ūrlyǧymmen ainalysqan Rahmattulaev Elmūrat künı keşege deiın Qyzylorda qalasynyŋ äkımınıŋ orynbasary bop otyrdy. Sonda būlardyŋ barlyǧyn kım teksermek?», dep qynjyldy Nūrlan.Qanşama aryz jazyp, talai esıktı tozdyrǧan Nūrlan Tūrmanovtyŋ äreketı osy künge deiın nätijesız. Tıptı Elbasyna 6 märte ündeu joldap, Ūlttyq qauıpsızdık komitetıne talai hat jazǧanymen ıs jabylǧan küiı qaldy. Mūny kım qadaǧalaidy? Öz otbasyn, öz qūqyǧyn qorǧamaq bolǧan, ärı ädıldık ızdegen Nūrlan Tūrmanov aryzynyŋ qaralǧanyn talap etıp, redaksiiamyzǧa habarlasqan edı. Osyny eskergen bız de Prezidentke, QR ŪQK-ne, QR Joǧarǧy soty men Bas prokuraturasyna jauap beruın sūraimyz!
«Adyrna» ūlttyq portaly
Ūqsas jaŋalyqtar
