Almatydaǧy №132 gimnaziiasyndaǧy qazaqşa jazular jetımnıŋ küiın keşıp tūr. Al mektep direktory orys tılın qoldap, tıptı, Qazaqstannyŋ tarihyn 70-jyldyq dep otyr. Būl turaly äleumettık jelı belsendısı Darhan Ardaqūly TikTok jelısıne bırneşe video jariialady, dep habarlaidy “Adyrna” ūlttyq portaly.
Alǧaşqy videoda mektep ūjymy oquşylardy “Rossiia nam 30 let” atty filmge aparǧany aitylady.
“Būl mektep oquşylarǧa orystyŋ saiasatyn jürgızıp otyr. Būl ne masqara! Täuelsız elge orystyŋ saiasatyn jürgızu degen bassyzdyq!”, - dedı videoda belsendı.
Belsendı 132 gimnaziianyŋ direktory Abdimanapova Qarlyǧaştan Resei propagandasyn nasihattaityn filmge ne üşın aparǧandaryn sūrady. Al direktor “sız kımsız mennen sūraq alatyn” dep aşulanyp, filmde Resei propagandasy joq ekenın aityp aqtaldy.
“20 oquşy bardy. Filmnıŋ ūiymdastyruşylary käsıptık baǧdar boiynşa film dep aqparat berdı. Bız Resei saiasatyn jürgızıp jatqan joqpyz…
Qatelık boldy, men ony moiyndaimyn. Bılım basqarmasynan qataŋ sögıs aldym. Oǧan bailanysty men öz jūmysymdy basqaşa ūiymdastyratyn boldym. Men balalarymdy eşqaida şyǧarmaimyn jäne mektepke eşkımdı kırgızbeimın. Öitkenı, barlyq ötkızıletın ıs-şaranyŋ mazmūnyna qarap jatyrmyz. Mektepte ötıp jatqan ıs-şaralardyŋ barlyǧy orys tılı toby bolsyn, qazaq tılı toby bolsyn, tek qazaqşa ötedı”, -dedı direktor.
Sondai-aq, mektep direktory “Qazaqstannyŋ 70 jyldyq tarihy bar” dep köptıŋ aşuyn tuǧyzdy.
“70 jyldyq tarihymyz bar ǧoi. Bız mektepte oqyp jatqan kezde, bızge “adam bolǧyŋ kelse, orysşa oqy” dep aitty”, - dedı direktor Qarlyǧaş Aqanqyzy.
