Túrkistan oblysynda balabaqsha qyzmetkerleri mıtıngke shyqty. Aıtýlarynsha, memleket olarǵa jalaqylaryn tólemegen, dep habarlaıdy "Adyrna" ulttyq portaly Orda.kz saıtyna silteme jasap.
19 qazanda balabaqsha muǵalimderi oblystyq ákimshilik ǵımaraty aldyna mıtıngke jınaldy. Qyzmetkerler zań talaptarynyń durys saqtalmaıtynyna shaǵymdandy.
«Olardyń arasynda "Qazaqstan úzdiksiz bilim berý qaýymdastyǵy"jeke kásipkerler men zańdy tulǵalar qaýymdastyǵynyń Túrkistan oblysy boıynsha fılıalynyń basshylary boldy», - dep habarlady oblys ákimshiligi.
Belgili bolǵandaı, másele mektepke deıingi bilimge 2017-2019 jyldary bir orynǵa 19 354 teńge mólsherinde bólingen. Jańa ádis boıynsha 2017 jyly bir orynnyń baǵasy 30 150 teńgege ósken bolatyn.
Osy aıyrmashylyq eskerilmegenine muǵalimder qatty ashýly.
Ákimdiktiń málimdeýinshe, qazirdiń ózinde departament Bilim jáne ǵylym mınıstrligine qaryzdy jabý úshin qosymsha 26,5 mlrd teńge bólý týraly suranys jibergen.
- Júrgizilgen jumystyń nátıjesi boıynsha Túrkistan oblysynyń mektepke deıingi bilim berý qyzmetkerleriniń aldyndaǵy qaryzdy óteý týraly QR Premer -Mınıstrine ujymdyq hat jazyldy, - dep habarlady ákimdikten.
"Adyrna" ulttyq portaly
