Almatydaǵy mekteptiń birinde 62 jastaǵy kúzetshi oqýshy qyzdy zorlamaq bolǵan. Bul týraly Astana telearnasy málimdedi, dep habarlaıdıa “Adyrna” ulttyq portaly.
Aqparat boıynsha, bilim ordasyna kirebergende kúzetshi qyzdy kúshpen ustap, ozbyrlyq kórsetken. Al mektep ákimshiligi bul isti jyly jaýyp qoıǵysy kelgen kórinedi. Ata-analar jınalǵan bette dırektor syrtqy esikten qashyp ketti deıdi.
Oqıǵa Almaty qalasy Alataý aýdany Qarasý shaǵynaýdanynda ornalasqan №160 orta mektepte bolǵan. Jelide oqıǵa týraly aıtqan áıeldiń vıdeosy tarady.
Bul qalaı boldy? Muǵalim oqýshy qyzǵa qońyraý shalyp, oǵan bir zat beretinin aıtady. Alaıda qyzdy kútpesten zatty kúzetke qaldyryp ketedi. Qyz oqý ornyna kelgende mas kúzetshi bar eken. Bizde onyń kishkentaı qyzǵa tıisip, ózine qaraı tartyp, súıip jatqan vıdeosy bar. Qudaıǵa shúkir, qyz odan qashyp qutylady, — deıdi ata-analardyń biri.
Qalalyq bilim basqarmasy bul faktige qatysty shuǵyl sharalar qabyldanǵanyn málim etti.
№160 orta mektepte qaýipsizdik qyzmetin kórsetetin «Altyn álem grýpp» kompanııasyna mektep ákimshiligi tıisti hattama toltyrdy. Sonymen qatar, atalǵan seriktestikke kelisim-shartty buzý týraly shaǵym men habarlama joldandy. Qazirgi ýaqytta kúzetshiniń ústinen qylmystyq is qozǵaldy, kúdikti 15 táýlikke qamaýǵa alyndy, - dep atap ótti bilim basqarmasynyń baspasóz qyzmeti.
Sondaı-aq, Almaty qalalyq Polıııa departamenti Alataý aýdandyq polıııa basqarmasynda QR Qylmystyq kodeksiniń 124-baby 1-bóligi boıynsha qylmystyq is tergelip jatqanyn habarlady. Saraptama taǵaıyndaldy. Jaǵdaı anyqtalýda.
