Almaty – Bışkek tas jolynda ırı jol apaty boldy, dep habarlaidy "Adyrna" ūlttyq portaly.
Saldarynan jetı adam köz jūmdy.
Aldyn ala mälımet boiynşa, Honda Odyssey avtokölıgınıŋ jürgızuşısı jolda kele jatqan HOWO jük kölıgınıŋ tırkemesıne soǧylǧan.
Tyiym salynǧan jaǧdaida manevr jasau nemese jyldamdyqty dūrys taŋdamau yqtimal sebep retınde qarastyrylyp jatyr.
«Apat kezınde jeŋıl kölıkte bolǧan jetı adam, sonyŋ ışınde jürgızuşı de, alǧan jaraqattarynan oqiǧa ornynda qaza tapty», – dep habarlady polisiia.
Qazırgı uaqytta atalǧan faktı boiynşa sotqa deiıngı tergeu bastaldy. Tiıstı saraptamalar taǧaiyndaldy.
Aita keteiık, bır apta būryn atalǧan tas jolda jol apaty bolyp, 6 adam jan tapsyrǧan.
Ūqsas jaŋalyqtar
