Qosşy qalasynyŋ äkımı Azamat Qapyşev ardagerdı ǧasyrlyq mereitoiymen qūttyqtap, Aqmola oblysynyŋ äkımı Marat Ahmetjanovtyŋ qūttyqtauyn jetkızdı.
100 jyl – adam ömırındegı erekşe beles, ūrpaq üşın öşpes ülgı men eren eŋbektıŋ aiqyn körınısı.
Ūly Otan soǧysynyŋ jauyngerı retınde maidan dalasynda körsetken erlıgı, beibıt ömırdegı tynymsyz eŋbegı– bızdıŋ ortaq maqtanyşymyz, erlıgı men qajyr-qairaty el esınde saqtalary sözsız. Otanǧa adal qyzmet etıp, öskeleŋ ūrpaqqa erlık pen eŋbekqorlyqtyŋ asyl ülgısın körsetken onyŋ beibıt ömırge sıŋırgen eŋbegı men tälım-tärbiesı barşaǧa ülgı.
Nūrǧasym Äjıtaiūly 1925 jyly 1 qaŋtarda Semei oblysy, Abraly audanynyŋ Saryqamys degen jerınde düniege kelgen. Qazaq dalasyn jailaǧan aşarşylyq jyldary Qūljabasyǧa, keiın Semeige otbasymen qonys audarady. 1938-ınşı jyly eŋbek ūjymşary qūrylyp, 7 jyldyq mektep aşyluyna orai 13 jasar Nūrqasym mektep tabaldyryǧyn attaidy.
Nūrqasym Äjıtaiūly äsker qataryna 1943-ınşı jyly qaŋtar aiynda Jaŋasemei audandyq äskeri komissariatynyŋ şaqyrtuymen qabyldanady.
Örımdei jıgıt bır jyldyŋ ışınde Novosıbır qalasyndaǧy mergender mektebın üzdık tämamdap, nysana közdeuden aldyna jan salmaityn mergen bolady. Basşylyqtyŋ nazaryna ılıkken sarbaz bırden joldamamen Mäskeu tübındegı şaiqasqa attanady. Qūralaidy közge atqan mergen keiın Marşal Malinovskiidyŋ qolbasşylyǧymen Kerch qalasyn jau qolynan azat etuge qatysady. Berlindı aluda jäne Kursk doǧasyndaǧy şaiqasta aviasiialyq qyzmettıŋ atqyştar sapynda jauynger boldy. Eşkımdı aiamaǧan soǧysta qar jamylyp, mūz jastanyp, tolarsaqtan su keşıp, ottyŋ ortasynda jürdı. Jeŋıstı qarsy alysymen, 1945-ınşı jyly tamyz ben qyrküiek ailarynda Japoniiamen soǧysatyn jauyngerlerge ılesıp, 293-ınşı atqyştar diviziiasymen kelesı qan maidanǧa attanady. Kvanton äskerımen keskılesken ūrysta Nūrqasym Äjıtaev asqan erlıgımen közge tüsıp marapattalady.
Soǧys aiaqtalǧannan keiın maidanger Chitadaǧy uchilişede ūstazdyq etıp, jastardy äskeri qyzmetke baulidy.
Äskeri äue ūşaqtarynda motorist bolyp, eŋbekqorlyǧymen talmai qyzmet atqarady. Sondai-aq, Vladivastoktyŋ Artem qalasynyŋ komsomol ūiymynda jetekşı bolyp, Krasnoiar ölkelık sezge ekı ret delegat bolyp qatysty. Osy komsomol jetekşısı bolyp atqarǧan qyzmetı üşın Habarov ölkesındegı qyzyl äsker ūiymynyŋ mūraǧatynda esımı altyn ärıppen jazylǧan.
Tuǧan elge tek araǧa segız jyl salyp, 1951-ınşı jyly oralady. Abyraly audany oqu bölımınde äskeri inspektor bolyp eŋbek etken Nūrqasym Äjıtaev otbasymen Şar qalasyna köşıp, temır joldyŋ Şaǧan stansiiasynda kezekşı boldy. Keiın Keŋşar direktorynyŋ şaqyruymen Qainarda aǧaş şeberhanasynda meŋgeruşı bolyp 20 jyl eŋbek etedı.
Äke-şeşeden de erte aiyrylyp, aşy taǧdyr tezımen talasyp ösken maidanger otbasy qūndylyǧyn joǧary baǧalaidy. Jūbaiy Nūrzilät Qūsaiynqyzy ekeuı ömırge äkelgen jetı balasynan on nemere, toǧyz şöbere süiıp otyr.
Ardager Japoniiany jeŋgenı üşın medalı, 2 därejelı Otan soǧysy ordenı, Keŋes Odaǧynyŋ Marşaly G.K.Jukov medalı, Jeŋıstıŋ 55 jyldyǧy qūrmetıne «1941-1945 j.j. soǧys ardagerı» belgısı, «KSRO Qaruly Küşterıne 50 jyl» medalı, är jyldary Ūly Otan soǧysyndaǧy jeŋıstıŋ mereitoilyq medaldarymen marapattalǧan.
100 jyl – adam ömırındegı erekşe beles, ūrpaq üşın öşpes ülgı men eren eŋbektıŋ aiqyn körınısı.
Ūly Otan soǧysynyŋ jauyngerı retınde maidan dalasynda körsetken erlıgı, beibıt ömırdegı tynymsyz eŋbegı– bızdıŋ ortaq maqtanyşymyz, erlıgı men qajyr-qairaty el esınde saqtalary sözsız. Otanǧa adal qyzmet etıp, öskeleŋ ūrpaqqa erlık pen eŋbekqorlyqtyŋ asyl ülgısın körsetken onyŋ beibıt ömırge sıŋırgen eŋbegı men tälım-tärbiesı barşaǧa ülgı.
Nūrǧasym Äjıtaiūly 1925 jyly 1 qaŋtarda Semei oblysy, Abraly audanynyŋ Saryqamys degen jerınde düniege kelgen. Qazaq dalasyn jailaǧan aşarşylyq jyldary Qūljabasyǧa, keiın Semeige otbasymen qonys audarady. 1938-ınşı jyly eŋbek ūjymşary qūrylyp, 7 jyldyq mektep aşyluyna orai 13 jasar Nūrqasym mektep tabaldyryǧyn attaidy.
Nūrqasym Äjıtaiūly äsker qataryna 1943-ınşı jyly qaŋtar aiynda Jaŋasemei audandyq äskeri komissariatynyŋ şaqyrtuymen qabyldanady.
Örımdei jıgıt bır jyldyŋ ışınde Novosıbır qalasyndaǧy mergender mektebın üzdık tämamdap, nysana közdeuden aldyna jan salmaityn mergen bolady. Basşylyqtyŋ nazaryna ılıkken sarbaz bırden joldamamen Mäskeu tübındegı şaiqasqa attanady. Qūralaidy közge atqan mergen keiın Marşal Malinovskiidyŋ qolbasşylyǧymen Kerch qalasyn jau qolynan azat etuge qatysady. Berlindı aluda jäne Kursk doǧasyndaǧy şaiqasta aviasiialyq qyzmettıŋ atqyştar sapynda jauynger boldy. Eşkımdı aiamaǧan soǧysta qar jamylyp, mūz jastanyp, tolarsaqtan su keşıp, ottyŋ ortasynda jürdı. Jeŋıstı qarsy alysymen, 1945-ınşı jyly tamyz ben qyrküiek ailarynda Japoniiamen soǧysatyn jauyngerlerge ılesıp, 293-ınşı atqyştar diviziiasymen kelesı qan maidanǧa attanady. Kvanton äskerımen keskılesken ūrysta Nūrqasym Äjıtaev asqan erlıgımen közge tüsıp marapattalady.
Soǧys aiaqtalǧannan keiın maidanger Chitadaǧy uchilişede ūstazdyq etıp, jastardy äskeri qyzmetke baulidy.
Äskeri äue ūşaqtarynda motorist bolyp, eŋbekqorlyǧymen talmai qyzmet atqarady. Sondai-aq, Vladivastoktyŋ Artem qalasynyŋ komsomol ūiymynda jetekşı bolyp, Krasnoiar ölkelık sezge ekı ret delegat bolyp qatysty. Osy komsomol jetekşısı bolyp atqarǧan qyzmetı üşın Habarov ölkesındegı qyzyl äsker ūiymynyŋ mūraǧatynda esımı altyn ärıppen jazylǧan.
Tuǧan elge tek araǧa segız jyl salyp, 1951-ınşı jyly oralady. Abyraly audany oqu bölımınde äskeri inspektor bolyp eŋbek etken Nūrqasym Äjıtaev otbasymen Şar qalasyna köşıp, temır joldyŋ Şaǧan stansiiasynda kezekşı boldy. Keiın Keŋşar direktorynyŋ şaqyruymen Qainarda aǧaş şeberhanasynda meŋgeruşı bolyp 20 jyl eŋbek etedı.
Äke-şeşeden de erte aiyrylyp, aşy taǧdyr tezımen talasyp ösken maidanger otbasy qūndylyǧyn joǧary baǧalaidy. Jūbaiy Nūrzilät Qūsaiynqyzy ekeuı ömırge äkelgen jetı balasynan on nemere, toǧyz şöbere süiıp otyr.
Ardager Japoniiany jeŋgenı üşın medalı, 2 därejelı Otan soǧysy ordenı, Keŋes Odaǧynyŋ Marşaly G.K.Jukov medalı, Jeŋıstıŋ 55 jyldyǧy qūrmetıne «1941-1945 j.j. soǧys ardagerı» belgısı, «KSRO Qaruly Küşterıne 50 jyl» medalı, är jyldary Ūly Otan soǧysyndaǧy jeŋıstıŋ mereitoilyq medaldarymen marapattalǧan.
