Aqmola oblysynyń Ádilet departamenti 2024 jyly óziniń memlekettik qyzmetterin jaqsartýǵa, quqyqtyq tártipti qamtamasyz etýge jáne azamattarmen tıimdi jumys jasaýǵa baǵyttalǵan kóptegen mańyzdy sharalardy júzege asyrdy. Departament jumysynda ıfrlandyrý, zań kómegin kórsetý, memlekettik tirkeý jáne zııatkerlik menshik quqyqtaryn qorǵaý salalarynda aıtarlyqtaı jetistikterge qol jetkizildi. Bul týraly oblystyq Ádilet departamentiniń basshysy Baýken Álmesh brıfıngte málimdedi, dep habarlaıdy Óńirlik kommýnıkaııalar qyzmetinen.
Ádilet organdarynyń negizgi mindetteriniń biri – normatıvtik-quqyqtyq aktilerdi tirkeý. 2024 jyldyń 11 aıynda Aqmola oblysyna 827 NQA jobasy kelip tústi, onyń ishinde 184 NQA jergilikti atqarýshy organdardan tirkeýge qabyldandy. Bul jumystardyń sapaly júrgizilýi zańdardyń kúshine enýin qamtamasyz etý úshin asa mańyzdy bolyp tabylady. Sonymen qatar, atqarylǵan jumystar nátıjesinde 14 laýazymdy tulǵa ákimshilik, 6 adam tártiptik jazaǵa tartyldy.
Osy jyly Ádilet departamenti kóptegen memlekettik qyzmetterdi tolyqtaı elektrondyq formatqa aýystyrdy. Bul shara azamattardyń qyzmetterge qol jetkizýin jeńildetip, ýaqytty únemdeýge múmkindik berdi. Máselen, attestattaý rásimi avtomattandyrylyp, notarıattyq, advokattyq jáne jeke sot oryndaýshysynyń qyzmetine arnalǵan ótinishter jeńildetildi. Elektrondy júıeler arqyly memlekettik qyzmet kórsetýdiń 12 túri júzege asyryldy, al jalpy 1774 qyzmet kórsetildi.
Sonymen qatar, Ádilet departamenti ıfrlandyrýdy damytýǵa erekshe kóńil bóledi. 2024 jyly «Digital Justice» bastamasy aıasynda birneshe jobalar iske qosyldy. Mysaly, «EGOV Mobile business» qosymshasy arqyly zańdy tulǵalar senimhattardy qaǵazsyz jáne ýaqytty únemdeı otyryp, elektrondyq ıfrlyq qoltańba arqyly rásimdeı alady. Al «ıfrlyq notarıat» jobasy taraptardyń ornalasqan jerine qaramastan notarıattyq qyzmetterdi onlaın alý múmkindigin usynady. Bul qyzmetter azamattardyń ýaqyty men qarjysyn únemdeýge, sonymen qatar notarıýstarǵa qatysty proessterdiń ashyqtyǵyn qamtamasyz etýge múmkindik beredi.
Quqyqtyq kómek kórsetý salasynda da oń ózgerister baıqaldy. 2024 jyly Aqmola oblysynda 363 advokat jáne 23 zań konsýltanty memleket kepildik bergen zań kómegin usyndy.
«Jańa zańdyq ózgerister nátıjesinde tegin zań kómegine quqyǵy bar azamattar sany keńeıtildi. Budan basqa, «E-zań kómegi» jobasy aıasynda azamattar óz quqyqtyq suraqtaryna onlaın jaýap ala alady. Jasandy ıntellektpen jabdyqtalǵan chat-bot arqyly bul qyzmet táýlik boıy qoljetimdi bolady. Jobanyń basty maqsaty — azamattardyń quqyqtyq aqparatqa qoljetimdiligin arttyrý»,- dedi Baýken Álmesh.
Aqmola oblysynda zııatkerlik menshik quqyqtaryn qorǵaý baǵytynda da jumystar jalǵasyn tapty. 2024 jyly 13 taýar belgisiniń zańsyz paıdalanylýy týraly ótinishter qaraldy. Ádilet departamenti jospardan tys 8 tekserý júrgizip, kontrafaktilik ónimder men jarnamalyq materıaldardy paıdalaný faktilerin anyqtady. Bul jumystardyń nátıjesinde aıyppuldar salyndy, taýar tańbalaryna qatysty quqyq buzýshylyqtar anyqtaldy jáne sotqa birneshe is jiberildi. Sonymen qatar, Aqmola oblysynan 6 ónimge geografııalyq kórsetkishterge kýálik berildi, bul óńirlik ónimderdiń tanymaldylyǵyn arttyrýǵa múmkindik beredi.
Spıkerdiń aıtýynsha, atqarýshylyq is júrgizý salasynda da aıtarlyqtaı jetistikter tirkeldi. 2024 jyldyń 11 aıynda Jeke sot oryndaýshylary (JSO) men Memlekettik sot oryndaýshylary (MSO) jalpy somasy 3 mıllıard 191 mıllıon teńge bolatyn 87,126 atqarýshylyq is júrgizdi. Bul kezeńde 53,698 is aıaqtaldy, onyń ishinde 806 mıllıon teńge somasyndaǵy qaryz óndirildi. Sonymen qatar, boryshkerlerge qatysty ákimshilik jáne qylmystyq jaýapkershilikke tartý sharalary da qabyldandy.
Aqmola oblysy Ádilet departamenti quqyqtyq mádenıetti arttyrýǵa baǵyttalǵan sharalardy belsendi túrde júrgizdi. 2024 jyly departament 244 is-shara uıymdastyryp, 59,814 azamatty qamtydy. Sonymen qatar, oblystyń aýyldy aımaqtarynda zań kabınetteri qurylyp, azamattarǵa quqyqtyq kómek kórsetý sharalary kúsheıtildi. Departament jyl saıyn «Ádilet keńes beredi» jáne «Tegin zań kómegi kúnderi» sekildi akııalar uıymdastyrady, onyń barysynda azamattar tegin keńester ala alady.
Jeke sot oryndaýshylarynyń qyzmeti de qatań baqylaýǵa alyndy. 2024 jyly JSO-nyń 191 jospardan tys baqylaýy júrgizilip, olardyń qyzmetindegi kemshilikter men zań buzýshylyqtar anyqtaldy. Qorytyndysynda, 56 JSO tártiptik keńeske tartylyp, 1 JSO lıenzııasynan aıyryldy. Bul baqylaý sharalary jeke sot oryndaýshylarynyń qyzmetiniń sapasyn arttyrýǵa baǵyttalǵan.
Aqmola oblysy Ádilet departamentiniń jumysy quqyqtyq tártipti qamtamasyz etý, azamattardyń quqyqtaryn qorǵaý jáne memlekettik qyzmetterdi jetildirýge baǵyttalǵan kóptegen bastamalardy qamtydy. ıfrlandyrý, zań kómegin kórsetý, zııatkerlik menshik quqyqtaryn qorǵaý jáne atqarýshylyq is júrgizý salalaryndaǵy jetistikter departamenttiń azamattarmen tyǵyz baılanys ornatýdaǵy tabystylyǵynyń aıqyn kórinisi bolyp tabylady.
