Japoniiada 2024 jyly jalǧyz tūratyn qart adamdardyŋ 58 044-ı öz üilerınde qaitys bolǧan, dep habarlaidy "Adyrna" ūlttyq portaly.
Ūlttyq polisiia agenttıgınıŋ mälımetınşe būl bır jyl ışınde tırkelgen osyndai alǧaşqy resmi statistika.
Agenttık būl mälımetterdı ükımettıŋ jalǧyzdyq pen oqşaulanuǧa qatysty jaǧdaidy anyqtauǧa baǧyttalǧan zertteuınıŋ aiasynda jariialady. Ükımet būl derekterdı atalǧan mäselelerdı şeşuge arnalǧan şaralardy qarastyru üşın paidalanbaq.
Agenttıktıŋ 11 säuırde jasaǧan mälımdemesıne säikes, 2024 jyly polisiia el boiynşa 204 184 mäiıttı anyqtaǧan. Olardyŋ 76 020-sy öz üilerınde jalǧyz jatqan küide tabylǧan.
Jalǧyz qaitys bolǧandardyŋ şamamen 76%-yn 65 jastan asqan adamdar qūraidy. Jas toptary boiynşa eŋ köbı – 85 jastan asqandar (14 658 adam), odan keiın 75-79 jas aralyǧyndaǧylar (12 567 adam) jäne 70-74 jas aralyǧyndaǧy azamattar (11 600 adam).
Sondai-aq, üiınde jalǧyz qaitys bolǧandardyŋ qatarynda jastar da bolǧan: 20 jasta – 780 adam, 30 jasta – 1013 adam, al 15-19 jas aralyǧynda – 62 adam.
