8 jeltoqsanda Las-Vegasta (AQSh) UFC 310 týrnıriniń jartylaı basty jekpe-jegi ótti. Onda qazaqstandyq Shavkat Rahmonov ırlandııalyq Ien Gerrıdi jeńip, aralas jekpe-jektegi 19-shy jeńisine jetti, dep habarlaıdy "Adyrna" ulttyq portaly.
Bul jekpe-jek ýaqytsha jartylaı orta salmaqtaǵy tıtýl úshin bes raýndqa josparlanǵan bolatyn. Eki sportshy da oktagonǵa jeńilmegen básekeshiler retinde shyqty. Shavkattyń rekordy 18-0, al ırlandııalyqtyń rekordy 15-0 bolatyn.
Ien Gerrı Shavkat Rahmonovtan amerıkalyq promoýshende alǵash ret jeńilis tapty.
Kezdesý bes raýndqa sozylyp, tóreshilerdiń sheshimimen jeńiske qazaqstandyq Shavkat Rahmonov jetti. Degenmen, ırlandııalyq otandasymyz úshin myqty qarsylas boldy. Sońǵy raýndta Rahmonov qıyn jaǵdaıǵa tap bolǵanyna qaramastan, jekpe-jekti sátti aıaqtaı aldy. Osylaısha, ol 19-shy jeńisine jetti, onyń ishinde jeteýi UFC aıasynda.
Qazaqstan Prezıdenti Qasym-Jomart Toqaev Shavkat Rahmonovty jeńisimen quttyqtap, kásibı sportta tabys tiledi.
