8 جەلتوقساندا لاس-ۆەگاستا (اقش) UFC 310 ءتۋرنيرىنىڭ جارتىلاي باستى جەكپە-جەگى ءوتتى. وندا قازاقستاندىق شاۆكات راحمونوۆ يرلانديالىق يەن گەرريدى جەڭىپ، ارالاس جەكپە-جەكتەگى 19-شى جەڭىسىنە جەتتى، دەپ حابارلايدى "ادىرنا" ۇلتتىق پورتالى.
بۇل جەكپە-جەك ۋاقىتشا جارتىلاي ورتا سالماقتاعى تيتۋل ءۇشىن بەس راۋندقا جوسپارلانعان بولاتىن. ەكى سپورتشى دا وكتاگونعا جەڭىلمەگەن باسەكەشىلەر رەتىندە شىقتى. شاۆكاتتىڭ رەكوردى 18-0, ال يرلانديالىقتىڭ رەكوردى 15-0 بولاتىن.
يەن گەرري شاۆكات راحمونوۆتان امەريكالىق پروموۋشەندە العاش رەت جەڭىلىس تاپتى.
كەزدەسۋ بەس راۋندقا سوزىلىپ، تورەشىلەردىڭ شەشىمىمەن جەڭىسكە قازاقستاندىق شاۆكات راحمونوۆ جەتتى. دەگەنمەن، يرلانديالىق وتانداسىمىز ءۇشىن مىقتى قارسىلاس بولدى. سوڭعى راۋندتا راحمونوۆ قيىن جاعدايعا تاپ بولعانىنا قاراماستان، جەكپە-جەكتى ءساتتى اياقتاي الدى. وسىلايشا، ول 19-شى جەڭىسىنە جەتتى، ونىڭ ىشىندە جەتەۋى UFC اياسىندا.
قازاقستان پرەزيدەنتى قاسىم-جومارت توقاەۆ شاۆكات راحمونوۆتى جەڭىسىمەن قۇتتىقتاپ، كاسىبي سپورتتا تابىس تىلەدى.
