Qazaq tili ýaqyt óte kele etnosaralyq qatynas tiline aınalatynyna senimdimin. Bul týraly Prezıdent Qasym-Jomart Toqaevtyń Qazaqstan halqy Assambleıasynyń «Birlik. Jasampazdyq. Órleý» atty HHHIII sessııasynda aıtty, dep habarlaıdy “Adyrna” ulttyq portaly.
«Jer júzinde bárimizdi alańdatyn túrli oqıǵalar bolyp jatyr. Birtutas ult retinde dál osy kezde bizdiń maqsatymyz da, nıetimiz de bir bolýǵa tıis. Qoǵamda ultyna qaraı erekshelenýge, oqshaýlanýǵa umtylǵan kez kelgen áreketke, ásirese, azamattardy tiline, ultyna, dinine nemese mádenıetine bola arandatýǵa, ıa bolmasa kemsitýge múlde jol bermeıtin orta qalyptastyrý mańyzdy.
Til – kóptegen memleket úshin ózekti máseleniń biri. Osy máseleniń durys sheshilýi kez kelgen eldegi qoǵamdyq-saıası ahýaldyń turaqtylyǵyna edáýir yqpal etetinin tarıhtyń ózi kórsetip otyr. Qazaqstanda da solaı. Biz osy asa shetin máselege kelgende syrtqy-ishki faktorlardy eskere otyryp, strategııalyq ustamdylyq jáne toleranttyq tanytýymyz qajet. Biraq bul bizdiń memlekettik tildi jan-jaqty damytýǵa basa nazar aýdaratynymyzdy joqqa shyǵarmaıdy. Men qazaq tili ýaqyt óte kele etnosaralyq qatynas tiline aınalatynyna senimdimin.
Biz birtindep osyǵan kele jatyrmyz. Memleket olardyń túrli jetistikterine, sonyń ishinde saıası sıpattaǵy tabystaryna da nazar aýdarady jáne olardy barynsha qoldaıdy. Búgin osyndaı birqatar azamatqa marapat tapsyrylady», dedi Prezıdent.
