2023 jyly 1 qyrküiekte Parlament palatalarynyŋ bırlesken otyrysynda Qazaqstan Respublikasynyŋ Prezidentı Qasym-Jomart Toqaev Qazaqstan halqyna Joldauyn tanystyrdy.
Soŋǧy 3 jylda memleketter köp kütpegen ekonomikalyq qiyndyqtarǧa tap boldy. Sondyqtan da älem elderı ekonomikalyq daǧdarystar men qiyndyqtardy synau arqyly eŋseru, ekonomikalyq ösudı arttyru jäne ösu deŋgeiın bır qalypta ūstap tūru, infliasiianyŋ joǧary deŋgeiın tömendetu baǧytynda öz saiasatyn damytuda.
Qazaqstan Respublikasy Prezidentınıŋ 2023 jylǧy Qazaqstan halqyna Joldauynda halyqtyŋ äl-auqaty men ömır süru deŋgeiın arttyru maqsatynda ekonomikanyŋ tūraqtylyǧyn arttyruǧa baǧyttalǧan jaŋa jospardy äzırleu qajettıgı basymdyq retınde berılgen.
Memleket basşysy halyqqa Joldauynda Qazaqstannyŋ ösıp kele jatqan ekonomikalyq täuekelderdı eŋsere otyryp, tūraqty jäne quatty ekonomikasy bar güldengen elge ainalu mümkındıgınıŋ zor ekenın atap öttı.
Būl joldauda tau-ken öndıru jäne paidaly qazbalardy öŋdeu, energetika jäne gaz öŋdeu, auyl şaruaşylyǧy, onyŋ ışınde agroönerkäsıptık keşen siiaqty negızgı öndırıs sektorlarynyŋ ekonomikalyq tiımdılıgın arttyruǧa baǧyttalǧan model qūruǧa basa nazar audara otyryp, ärbır saladaǧy ekonomikalyq ösudı arttyruǧa baǧyttalǧan jaŋa mümkındıkter aiqyndalady.
Äsırese, şaǧyn jäne orta käsıpkerlıktıŋ jalpy ışkı önımdegı ülesın arttyruǧa jäne orta önerkäsıptı keşendı damytu baǧdarlamalaryn äzırleuge, sondai-aq azamattardyŋ äl-auqatyn arttyruǧa baǧyttalǧan jobalar erekşe atap ötıldı.
Sonymen qatar, transşekaralyq su resurstaryn qorǧau jäne qalpyna keltıru, kez kelgen önerkäsıp sektorynyŋ qyzmetı jaŋa ekonomikalyq saiasattarmen üilesetın ekologiialyq ıske asyru bastamasyna tän «jasyl ekonomikany» qamtidy.
Syrtqy ekonomikany ūlǧaitu, naryqta tauarlardy ötkızudegı memlekettık kedergılerdı azaitu, investorlardy tartuǧa qolaily jaǧdai jasau siiaqty jaŋa ekonomikalyq saiasat modelın qūruǧa köbırek köŋıl böludıŋ maŋyzdylyǧy da nazardan tys qalǧan joq.
Kez kelgen eldıŋ damuynyŋ maŋyzdy körsetkışterınıŋ bırı – sol eldegı halyq sanynyŋ ösuı men adam resurstary. Halyq pen ekonomikalyq mäseleler bır-bırımen tyǧyz bailanysty.
Qazaqstan Respublikasy Prezidentınıŋ Joldauynda halyqtyŋ tabys deŋgeiınıŋ, eŋbekaqy deŋgeiınıŋ, sapaly bılımnıŋ artuy, elımızge qajettı mamandardy daiarlauǧa köŋıl bölu, medisinalyq kömektıŋ qoljetımdılıgın arttyru mäselelerı jan-jaqty qamtylǧan.
Aldaǧy uaqytta Qazaqstannyŋ ekonomikalyq damu saiasatynyŋ jaŋa modelın äzırleu üşın joǧaryda atalǧan mäselelerge köbırek köŋıl bölınetını anyq.
Ş.Amangül
Moŋǧoliia Ǧylym akademiiasynyŋ Halyqaralyq zertteuler institutynyŋ ǧylymi qyzmetkerı
