Tanymel vaıner, bloger Meıirjan Tórebaevtyń jubaıy Dana Eseeva Prezıdent ákimshiliginiń qabyldaýynda bolǵany týraly jazba qaldyrdy, dep habarlaıdy “Adyrna ulttyq portaly”
“Kúni keshe men Qazaqstan Respýblıkasy Prezıdentiniń Ákimshiliginiń qabyldaýynda boldym. Meniń ótinishim esterińizde bolsa, olar meni tyńdap, kezdesýdi belgiledi. Is erekshe baqylaýǵa alyndy. Men advokattardyń jáne Meıirjannyń isi boıynsha jiberilgen zań buzýshylyqtar týraly aryzdaryn joldadym. Biz tek obektıvti jáne zańdy tergeýdi suraımyz, osylaısha is múddeli emes tulǵalarǵa berilýi múmkin. Men merekeden keıin jaqsy jańalyq bolady dep oılaımyn. Paralleldi túrde, árıne, advokattardyń jumysy júrip jatyr. Alǵashqy kúnderi moraldyq turǵydan sharshasam, qazir súıikti adamym úshin kúresýge kúsh-qýatym toly. Otbasymyzdy surap, mazalap júrgen barsha jandarǵa rahmet”,- dedi paraqshasynda.
Esterińizge sala ketsek, Dana Eseeva 25 sáýir kúni Qasym-Jomart Toqaevtan Meıirjan Tórebaevtyń isine arasha bolýyn suraǵan edi.
“Adyrna” ulttyq portaly
