Ońtústik Koreıanyń prezıdenti Iýn Sok Iol qamaýdan bosatyldy. Sebebi sot ony qamaýǵa alýdy toqtatý týraly ótinishin qanaǵattandyrǵan. Bul týraly Yonhap agenttigi jarııalady, dep habarlaıdy “Adyrna” ulttyq portaly.
Aqparatqa sáıkes, ımpıchment jarııalanǵan prezıdent Iýn Sok Iol juma kúni qamaýdan bosatyldy. Sot onyń qysqa merzimdi áskerı tótenshe jaǵdaı engizýine baılanysty qamaýǵa alýyn joıý týraly ótinishin qanaǵattandyrdy.
Ótken aıda Iýn Seýldiń Ortalyq aýdandyq sotyna ótinish berip, 3 jeltoqsanda áskerı jaǵdaı engizgeni úshin taǵylǵan aıyptyń zańsyz ekenin málimdegen edi.
Eske salsaq, 2024 jyly 31 jeltoqsanda Koreıa prezıdentin qamaýǵa alý týraly order shyǵarylǵan bolatyn. Seýl soty áskerı jaǵdaı engizýine baılanysty qyzmetinen ýaqytsha shettetilgen prezıdent Iýn Sok Ioldi qamaýǵa alý týraly quqyq qorǵaý organdarynyń suranysyn qanaǵattandyrdy. Osylaısha, ol Ońtústik Koreıanyń qyzmet ústindegi alǵashqy qamaýǵa alynǵan prezıdenti atanǵan edi.
