Maŋǧystau oblysynda Kaspii teŋızı jaǧalauynda myŋdaǧan itbalyq qyrylyp qaldy, dep habarlaidy "Adyrna" ūlttyq portaly KTK-ǧa sıltep.
Alǧaşynda ölı itbalyqtar Tüpqaraǧan audanynda anyqtalǧan. Qazır olardyŋ ölekselerı Qaraqiia audanynan da tabyluda, Aqtauda da itbalyqtyŋ ölekselerı anyqtalyp jatyr.
Qazırgı taŋda 1034 itbalyqtyŋ ölımı qūjat jüzınde rastalǧan. Būl jaǧdaidyŋ naqty sebebı älı anyqtalmaǧan.
«Gidrobiologiia jäne ekologiia institutynyŋ» direktory Mirǧali Baimūqanovtyŋ TASS agenttıgıne habarlauynşa, mūndai kölemdegı ölım bırınşı ret tırkelgen.
«Mümkın, ölı januarlardyŋ şyǧaryluy toqtamaidy, öitkenı būl bızdıŋ jaǧalauǧa soqqan batys jelderımen bailanysty, jäne taǧy da ölekselerdıŋ tabyluyn kütuımız kerek», — dedı ol. Baimūqanov qyryludyŋ sebebın atauǧa qinalǧanyn aityp, būl üşın köptegen salanyŋ qatysuy qajet ekenın aitty. «Mümkın, būl keibır lastauşy zattardyŋ tögıluı, seismikalyq belsendılık siiaqty tabiǧi kataklizmder boluy mümkın, iaǧni geologtar da pıkırın aituy tiıs. Januarlar arasynda virus boluy mümkın be ekenın anyqtau üşın virusologtar da öz sözın aituy kerek», — dedı Baimūqanov.Onyŋ aituynşa, ärbır itbalyqtyŋ qyryluy populiasiiaǧa ülken ziian keltıredı.
«Bızdıŋ mälımetterımız boiynşa, 30-50 jasqa deiın jetetın itbalyqtar öte az. Ölıp jatqan itbalyqtar köbıne orta jastaǧylar, olar populiasiianyŋ köbeiuıne üles qosar edı. Eger itbalyqtar osyndai jasta qyrylyp qalsa, būl orny tolmas şyǧyn», — dep tüiındedı Baimūqanov.Kaspii itbalyǧy Qazaqstannyŋ Qyzyl kıtabyna engızılgen. Ǧalymdardyŋ baǧalauy boiynşa, qazırgı uaqytta Qazaqstannyŋ Kaspii teŋızındegı aumaǧynda 240 myŋnan astam itbalyq tırşılık etedı.
Ūqsas jaŋalyqtar
