Qazaqstanda 46 jalǧan diplom jäne olardy zaŋsyz daiyndaumen ainalysqan 20 internet-resurs anyqtaldy, dep habarlaidy "Adyrna".
Ǧylym jäne joǧary bılım ministrlıgınıŋ aqparatynşa, qūzyrly organdar jalǧan diplomdardy daiyndau jäne satu faktılerın tūraqty türde baqylap, toqtatyp otyrady. Qylmystyq kodekstıŋ 385-babyna säikes jalǧan qūjattardy jasau nemese qoldanu aiyppūl saluǧa, tüzeu jūmystaryna nemese ekı jylǧa deiın bas bostandyǧyn şekteu ne aiyruǧa äkep soǧady.
«Bügıngı taŋda 46 jalǧan diplom jäne olardy zaŋsyz daiyndaumen ainalysqan 20 internet-resurs anyqtaldy. Materialdar IIM men MAM-ǧa joldandy», - delıngen habarlamada.
Ministrlık 1991 jyldan berı berılgen diplomdardyŋ derekter bazasyn qūrǧan. Diplomdar arnaiy modul arqyly bıregei nömırler men QR-kodtar beru jolymen qalyptastyrylady. Jüiege qol jetkızu qūqyǧy osy modulde tırkelgen, resmi türde jauapty universitet qyzmetkerlerıne ǧana berıledı.
Diplomdardy generasiialau «Joǧary bılım berudıŋ bıryŋǧai platformasy» aqparattyq jüiesındegı bılım aluşylar turaly derekter negızınde jüzege asady. Eger bılım aluşy turaly aqparat platformada bolmasa, diplom nömırın qalyptastyru mümkın emes. Özındık ülgıdegı bılım turaly qūjattarda generasiialanǧan bıregei nömır men QR-kod bolmaǧan jaǧdaida mūndai qūjattar jaramsyz dep tanylady, dep atap öttı vedomstvo.
Sonymen qatar joǧary oqu oryndary derekterdı sifrlandyru jūmysyn jalǧastyryp jatyr. Al jūmys beruşıler diplomnyŋ tüpnūsqalyǧyn https://epvo.kz servisı arqyly teksere alady. Diplomnyŋ elektrondyq nūsqasy elektrondyq ükımettıŋ («Sifrlyq qūjattar») mobildı qosymşasynda da qoljetımdı.
