Elimizdiń batys óńirinde taǵy órt shyqty, dep habarlaıdy “Adyrna”.
Jetinshi shilde kúni tańǵy ýaqytta Atyraý turǵyndary órttiń ıisin sezgen. Oblystyq Tótenshe jaǵdaılar departamenti baspasóz qyzmetiniń habarlaýynsha, barlaý jáne órt oshaqtaryn izdeý úshin MI-8 «Qazavıapas» tikushaǵy da qyzmetke kirisken. Komıssııa músheleri áýeden 15 shaqyrym radıýsta Kaspıı teńiziniń jaǵalaý aýmaǵyna aerovızýaldy sholý júrgizgen. Anyqtalǵandaı órttiń jalpy aýdany 10 gektardy quraıdy.
– Órtenip jatqan aýmaq ıesiz, ıaǵnı Kaspıı teńiziniń jaǵalyq aýmaǵy. Jeldiń baǵyty teńizge qaraı. Eldi mekenderge qaýip tónip turǵan joq. Saǵat 05:40-ta Atyraý oblysy Tótenshe jaǵdaılar departamentiniń kúshteri men quraldary órtti sóndirý úshin alǵa jyljydy. Saǵat 08:30-da Atyraý qalasynan 30 shaqyrym jerdegi kúnge kúıetin oryndarǵa jettik, - dep túsindirdi TJD.
Batys Qazaqstandaǵy órt saldarynan turǵyndar evakýaııalanyp jatyr.
