Novorossıısk teńiz porty arqyly qazaqstandyq munaıdy jóneltý qaıtadan toqtatyldy, dep habarlaıdy «Adyrna» ulttyq portaly.
«KQK teńiz termınalynda munaı tıeý toqtatyldy, tankerler kútý aımaqtaryna bólindi. Kompanııanyń sý qoımalary toly. Osyǵan baılanysty júk jóneltýshilerden munaı qabyldaý tómendetilgen rejımderde júzege asyrylady»,-dep habarlaıdy Kaspıı qubyr konsorıýmynyń (KQK) baspasóz qyzmeti.
Bul jaǵdaı aýa raıynyń asa qolaısyzdyǵyna baılanysty bolyp jatyr. Naqtyraq aıtsaq, jel 22-24 m/s (79,2-86,4 km/saǵ), tolqyn bıiktigi 6-8 metr. Jaǵdaıǵa baılanysty teńiz portynyń kapıtany daýyldy eskertý jarııalady.
Qarasha aıynda Novorossıısk teńiz portynda qaıta tıeýge daýyldy shekteýler birneshe ret jarııalandy.
Aıta keteıik, Qazaqstan óz munaıynyń 80 paıyzyn Novorossııskidegi Kaspıı qubyr konsorıýmy arqyly eksporttaıdy.
«Adyrna» ulttyq portaly
