İspaniialyqtar seisenbı künı bolǧan Valensiia provinsiiasyndaǧy küştı su tasqynyna jauaptylardy ızdei bastady. Baspasöz jäne äleumettık jelı qoldanuşylary qūtqaruşylardy tym keş eskertu jasady, bilık mūndai apatqa daiyn bolmai şyqty deidı.
Soŋǧy mälımetter boiynşa, İspaniianyŋ şyǧysyndaǧy qatty nöser men odan keiıngı su tasqyny saldarynan qaza tapqandar 158-den asty. VVS arnasy osy turaly maqalasynda apat törkının anyqtauǧa tyrysqan.
Azamattyq qorǧanys qyzmetı seisenbı künı keşke köptegen eldı mekenderdı su basqan kezde ǧana qauıp turaly eskertu jasaǧan.
«Būl tragediianyŋ auqymy halyqqa tym keş habarlandy ma degen sūraq tudyrady. Azamattyq qorǧanys qyzmetı qalalardy su basqan kezde ǧana eskertu jıberdı» - dep jazady İspaniianyŋ El Mundo gazetı.
Gazet jüzdegen adamnyŋ seisenbıden särsenbıge qaraǧan tünın öndırıstık aimaqtarda nemese jol boiyndaǧy kölıkterde ötkızgenın atap öttı. Öitkenı keşke qarai su tasqyny saldarynan joldar jabylǧan.
«Mer retınde maǧan eşkım Magre özenı arnasynan asyp ketuı mümkın dep eskertken joq. Ol qalany suǧa toltyryp, kır men qoqyspen jauyp tastady», - dep şaǧymdandy Alkuldiia qalasynyŋ merı Andreu Salom.
Ekınşı jaǧynan, Alikante universitetınıŋ klimatology Horhe Olsinanyŋ aituynşa, İspaniianyŋ meteorologiialyq qyzmetı adamdarǧa öz ömırlerıne qauıp töndırmeu üşın üide qalu kerektıgın naqty eskertken.
«Bıraq adamdar «qyzyl» eskertu alsa da, ömırlerın qalypty küide ötkızgısı keledı», - dedı Olsina Cadena Ser radiosynyŋ efirınde.
Keibır azamattar Valensiia provinsiiasynyŋ bilıgın qūtqaru qyzmetıne aqşa ünemdedı dep aiyptaidy.
Provinsiianyŋ basşysy, konservator Karlos Mason UVE - tötenşe jaǧdai qyzmetın joiu turaly şeşımın qaitadan aqtauǧa mäjbür boldy.
UVE-ny soŋǧy sailauǧa deiın provinsiiada bilıkte bolǧan solşyl saiasatkerler qūrǧan. Ötken jylǧy sailauda jeŋıske jetken Karlos Mason būl jaŋa mekemenı bırden jauyp, paidasynan şyǧyny köp degen.
Endı būl şeşımdı Masonnyŋ jäne onyŋ konservativtı Halyq partiiasynyŋ qarsylastary qaita synǧa alyp jatyr.
Valensiia provinsiiasynyŋ bilıgı UVE şyn mänınde oidan şyǧarylǧan ūiym ekenın aityp, «ört söndıruşılerı - nöl, materialdyq qamtamasyz etu - nöl, tiımdılık - nöl» dep jauap berdı.
Köpşılık Karlos Masondy seisenbı künı keşkı altydan bastap jauyn-şaşyn azaiady dep uäde bergenı üşın de aiyptauda. Azaiudyŋ ornyna keşkı uaqytta aǧyn su qalalar men auyldardy basyp, kölıkterdı aǧyzyp, joldardy şaiyp kettı.
Mason būǧan jauap retınde düisenbıden bastap qūtqaru qyzmetterı joǧary daiyndyq rejimınde bolǧanyn jäne apattyŋ tötenşe sipatyna bailanysty adamdarǧa naqty nūsqau beru öte qiyn ekenın aitty.
«Sarapşylardyŋ aituynşa mūndai jaǧdai būryn-soŋdy bolmaǧan», - degen provinsiia basşysy.
Klimattyŋ özgeruıne qarsy belsendıler İspaniiadaǧy su tasqynynyŋ jahandyq jylynudy toqtatu üşın jyldam ärı batyl äreket etu qajettıgın eske salatynyn aituda.
«Klimattyŋ özgeruı abstraktılı ūǧym emes, būl – bızdıŋ ömırımızge äser etetın şyndyq. Būl jaǧdai ömırge qauıp töndıredı», - dedı Greenpeace ūiymynyŋ İspaniiadaǧy filialynyŋ basşysy Eva Saldania.
Alikante universitetınıŋ ǧalymy jäne İspaniiadaǧy klimattyŋ özgeruıne qatysty jaqynda şyqqan baiandamanyŋ teŋ avtory Horhe Olsina Valensiiadaǧy küştı jaŋbyr men su tasqynynyŋ däl osy siiaqty körınısterdıŋ bırı ekenın atap öttı.
Klimatologtardyŋ pıkırınşe, qazırgı su tasqynynyna köptegen faktorlardyŋ jiyntyǧy sebep bolyp otyr. Alaida jahandyq jylynu nätijesınde atmosferanyŋ bırtındep jylynuy mūndai tabiǧi apattardyŋ bolu yqtimaldyǧyn arttyrady.
Ūqsas jaŋalyqtar
