Tehas shtatynyń ońtústik-shyǵys aýdandaryn tasqyn sý basty, dep habarlaıdy "Adyrna" ulttyq portaly Habar24-ke siltep.
Juma kúni bastalǵan jaýyn tolassyz jaýyp, Polk, Montgomerı, Lıbertı jáne Harrıs aýdandaryn jaılaǵan.
Saldarynan ózen, kólder arnasynan tasyp, San-Hasınto ózeniniń shyǵys tarmaǵyndaǵy sý maksımaldy deńgeıge jetken. Qutqarýshylar 400-den astam adamdy sýda qalǵan úılerinen jáne joldarda qutqaryp qaldy.
Sınoptıkter tasqyn sý keıbir úılerdiń shatyryna deıin jetkenin habarlaǵan.
Al Raıan Holl esimdi baqylaýshy mundaı tasqyndy kórmegenin aıtady.
"Bul meniń kareramda kórgen eń qatty tasqyn. Ózim osy jerdiń týmasymyn, ózen sýynyń osynshama bıik kóterilgen kezi esimde joq. Keshe tehasstyq baqylaýshylar 100-den asa adamdy qutqardy. Qalǵanyn bizdiń jergilikti seriktesterimiz ben ózge de memlekettik uıym ókilderi qutqardy. San-Hasınto ózeni sý basqarmasynyń málimetinshe, sońǵy aptada Konro kóliniń mańaıyna 50 sm jaýyn-shashyn túsken. Qatty jańbyr saldarynan bógettegi sý mólsherinen asyp, tasyǵan soń jyryp aǵyzýǵa májbúr bolǵan", - dedi ol.
