Qazaqstannyŋ barlyq öŋırınde su tasqyny aiaqtaldy. Qoimalarda jinalǧan qarǧyn su auylşaruaşylyǧy men önerkäsıpte paidalanu üşın jıberılmek. Būl turaly Su resurstary jäne irrigasiia ministrlıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
Ministrlık habarlaǧandai, körsetkışterge nazar salsaq, tasqyn sudyŋ sabasyna tüskenı aŋdalady.
«Batys Qazaqstan oblysyndaǧy tört ırı su qoimasy 87%-ǧa toldy. Olardyŋ barlyǧy ştattyq kestege sai jūmys ısteidı.
Aqmola oblysynda ekı ırı su qoimasy 99%-ǧa toly. Ekı nysan da ştattyq rejimde jūmys ısteidı.
Soltüstık Qazaqstan oblysynda 2 ırı su qoimasy 100%-ǧa toly”, dep habarlady ministrlık.
Sondai-aq, Aqtöbe oblysynda ekı ırı su qoimasynyŋ ortaşa su jinau körsetkışı 95%. Ekı
nysan da ştattyq kestege sai jūmys ısteidı. Al Şyǧys Qazaqstan oblysyndaǧy ekı ırı su qoimasy boiynşa ortaşa su jinau körsetkışı 89,8%.
«Abai oblysynda Şülbı su qoimasy 87,8%-ǧa toldy. Ertıs kaskadynyŋ barlyq su qoimalary ştattyq kestege sai jūmys ısteidı.
Qaraǧandy oblysyndaǧy 3 ırı su qoimasy 99,5%-ǧa toly. Olardyŋ barlyǧy ştattyq keste aiasynda jūmys ısteidı.
Qostanai oblysyndaǧy ekı ırı su qoimasynyŋ ortaşa su jinau körsetkışı 91%. Ekı nysan da ştattyq kestege sai jūmys ısteidı.
Su qoimalaryna jinalǧan tasqyn suy auylşaruaşylyǧy men önerkäsıpte paidalanu üşın jıberıledı», - dep jazdy ministrlıktıŋ baspasöz qyzmetı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz