Foto: Getty Images
AQŞ prezidentı Donald Tramptyŋ arnaiy ökılderı Stiv Uitkoff pen Djared Kuşner Reseimen aradaǧy beibıt kelıssözderdı naqty nätijege jetkızudıŋ jolyn tolyq tüsınbeidı. Olardyŋ kelıssöz jürgızu täsılı men ūstanymdaryna AQŞ prezidentınıŋ ūlttyq qauıpsızdık jönındegı būrynǧy keŋesşısı Djon Bolton syn aitty. Būl turaly ol «24 Kanalǧa» bergen sūhbatynda mälımdedı, dep habarlaidy “Adyrna”.
Boltonnyŋ pıkırınşe, kelıssöz jürgızıp otyrǧan taraptardyŋ ūstanymdary bır-bırınen tym alşaq. Sondyqtan qazırgı diplomatiialyq talqylaulardan naqty nätije kütu qiyn.
«Taraptardyŋ ūstanymdary bır-bırınen sonşalyqty alşaq, būl kelıssözder eşqaida aparmaidy. Būl – Tramptyŋ kelıssöz jürgızu stilı men onyŋ ökılderıne tän negızgı kemşılık. Olar beibıt kelısımge qol jetkızgennen keiın bolatyn jaǧymdy özgerıster turaly aitady. Alaida mūndai kelısımge naqty qalai qol jetkızuge bolatynyn tolyq tüsınbeidı nemese oǧan män bermeidı», – dedı Djon Bolton.
Sonymen qatar ol amerikalyq kelıssöz jürgızuşılerdı Reseidıŋ ūstanymyna erıp kettı dep aiyptady. Äsırese olardyŋ Europadaǧy bolaşaq qauıpsızdık arhitekturasyn talqylauǧa kelıskenıne narazylyq bıldırdı.
Boltonnyŋ aituynşa, AQŞ tarapynan mūndai maŋyzdy kelıssözderdı Memlekettık hatşy Marko Rubio jürgızuı kerek. Onyŋ pıkırınşe, diplomatiialyq üderıste käsıbi täjıribe men naqty strategiia maŋyzdy röl atqarady.
Sondai-aq AQŞ-tyŋ būrynǧy ūlttyq qauıpsızdık jönındegı keŋesşısı Stiv Uitkoff pen Djared Kuşnerdıŋ Trampqa tıkelei baǧynyşty ekenın atap öttı.
«Kuşner men Uitkoff – Tramptyŋ tolyqtai aitqanymen jüretın ökılderı. Olar prezident ne tapsyrsa, sony oryndaidy. Tramp mūny jaqsy bıledı. Sondyqtan Resei, İran, Gaza jäne basqa da ırı daǧdarys aimaqtary boiynşa kelıssözderde däl osy ekeuı negızgı ökıl bolyp otyr. Öitkenı olar tek Tramptyŋ aldynda ǧana esep beredı», – dedı Bolton.
Osylaişa, Djon Bolton AQŞ äkımşılıgınıŋ kelıssöz jürgızu täsılıne kümän keltırıp, beibıt kelısımge qol jetkızu üşın naqty diplomatiialyq strategiia men käsıbi kelıssöz jürgızuşıler qajet ekenın alǧa tartty.
